నేటి నుంచి నిట్‌లో టెక్నోజియాన్‌-24

దక్షిణ భారతదేశంలోనే అతిపెద్ద సాంకేతికోత్సవంగా పేరుగాంచిన టెక్నోజియాన్‌-24కు వరంగల్‌ నిట్‌ ముస్తాబైంది. ఈనెల 8 నుంచి 10 వరకు నిర్వహించేందుకు విద్యార్థులు ఏర్పాట్లు చేశారు. టెక్నోజియాన్‌కు దేశవ్యాప్తంగా ఉన్న ఇంజినీ రింగ్‌ కాలేజీ నుంచి సుమారు 5 వేల మందికిపైగా విద్యార్థులు పాల్గొననున్నారు.

• మూడు రోజుల పాటు నిర్వహణ
• పాల్గొననున్న 5 వేల మంది ఇంజినీరింగ్‌ విద్యార్థులు
• 50కిపైగా ఈవెంట్ల ప్రదర్శన

హనుమకొండ చౌరస్తా, నవంబర్‌ 7: దక్షిణ భారతదేశంలోనే అతిపెద్ద సాంకేతికోత్సవంగా పేరుగాంచిన టెక్నోజియాన్‌-24కు వరంగల్‌ నిట్‌ ముస్తాబైంది. ఈనెల 8 నుంచి 10 వరకు నిర్వహించేందుకు విద్యార్థులు ఏర్పాట్లు చేశారు. టెక్నోజియాన్‌కు దేశవ్యాప్తంగా ఉన్న ఇంజినీ రింగ్‌ కాలేజీ నుంచి సుమారు 5 వేల మందికిపైగా విద్యార్థులు పాల్గొననున్నారు.

2006 నుంచి ప్రతి ఏడాది వరంగల్‌ నిట్‌లో ఈ కార్యక్రమాన్ని నిర్వహిస్తున్నారు. విద్యార్థుల్లో దాగిఉన్న సృజనాత్మతక, సాంకేతిక పరిజ్ఞానాన్ని ప్రదర్శించేందుకు ఇది ఎంతగానో ఉపయోగపడనుంది. విద్యార్థులే నిర్వాహకులుగా నిర్వహించే ఈ టెక్నోజియాన్‌లో ప్రతి ఏడాది ఒక కొత్త థీమ్‌తో వేడుకలను నిర్వహించనున్నారు. ఈ ఏడాది థీమ్‌ను ఆవిష్కరించనున్నారు.

రెండు రోజులు 50కిపైగా ఈవెంట్లు..

రెండ్రోజుల్లో విద్యార్థులు 50కిపైగా ఈవెంట్లు ప్రదర్శించనున్నారు. స్పాట్‌లైట్స్‌ పేరిట జహాజ్‌, ఆర్సీ భగ్గీ, హోవర్‌ మానియా, వర్చువల్‌ రియాల్టీ, డ్రోన్స్‌ రేసింగ్‌, బిల్డ్‌ యు వర్‌ ఓన్‌ డ్రోన్‌, మూమ్యాట్‌ల్యాబ్స్‌, టీ వర్క్స్‌, ఈ-గే మ్స్‌, ట్రెజర్‌ హంట్‌, హాకథాన్‌ తదితర అంశాలతో 50కిపైగా ఈవెంట్లతో నిట్‌ సందడిగా మారనుంది. వీటితో పాటు ప్రముఖ దర్శకులతో చిట్‌చాట్‌తో సందడి చేయనున్నారు. వేడుకలను నేటి సాయంత్రం 4 గంటలకు నిట్‌ డైరెక్టర్‌ బిద్యాధర్‌ సుబుధి లాంఛనంగా ప్రారంభించనున్నారు.