రమణీయం.. రాములోరి కల్యాణం

శ్రీరామ నవమి సందర్భంగా ఆదివారం సీతారాముల కల్యాణం రమణీయంగా జరిగింది. ఉమ్మడి వరంగల్‌ జిల్లాలోని ఊరూరా వేడుకలు కనులపండువగా కొనసాగాయి. అభిజిత్‌ లగ్న సుముహూర్తాన వేద పండితుల మంత్రోచ్ఛారణలు.. మంగళవాయిద్యాలు.. అశేష భక్తజనం సమక్షంలో వివాహ ఘట్టం అంగరంగవైభవంగా సాగింది.

• ఊరూరా కనులపండువగా వివాహ ఘట్టం
• అశేషంగా హాజరైన భక్తజనం

శ్రీరామ నవమి సందర్భంగా ఆదివారం సీతారాముల కల్యాణం రమణీయంగా జరిగింది. ఉమ్మడి వరంగల్‌ జిల్లాలోని ఊరూరా వేడుకలు కనులపండువగా కొనసాగాయి. అభిజిత్‌ లగ్న సుముహూర్తాన వేద పండితుల మంత్రోచ్ఛారణలు.. మంగళవాయిద్యాలు.. అశేష భక్తజనం సమక్షంలో వివాహ ఘట్టం అంగరంగవైభవంగా సాగింది.

ఈ సందర్భంగా పలు ఆలయాలు, ప్రధాన కూడళ్లు వేలాదిగా తరలివచ్చిన ప్రజలతో కిక్కిరిసిపోయాయి. పెళ్లి తంతును ప్రత్యక్షంగా వీక్షించిన భక్తులు తన్మయత్వంలో మునిగిపోయారు. అనంతరం నిర్వహించిన అన్నదాన కార్యక్రమంలో పాల్గొన్నారు.