ప్రారంభానికి ముందే.. పాడయ్యింది!
కోట్లాది నిధులు వెచ్చించి నిర్మించిన ఓ రైల్వే ఓవర్ బ్రిడ్జి (ఆర్వోబీ) ప్రారంభానికి ముందే పాడయ్యింది. తెలంగాణలోనే అతిపెద్ద నాలుగు లేన్ల ఈ వంతెన గుంతలు పడి, ఇనుప చువ్వలు తేలి ప్రమాదకరంగా మారింది. దీనిపై ప్రయాణం కష్టంగా మారడంతో వాహనదారులు భయాందోళన చెందుతున్నారు.
- ఉప్పల్ ఆర్వోబీపై గుంతలు.. తేలుతున్న ఇనుప చువ్వలు
- నాసిరకం కాంక్రీట్ పనులతో దెబ్బతింటున్న బ్రిడ్జి
- గ్రానైట్, బొగ్గు లారీలకు పొంచి ఉన్న ముప్పు
- ఇబ్బందులు పడుతున్న ఇతర వాహనదారులు
కమలాపూర్, మే 30 : కోట్లాది నిధులు వెచ్చించి నిర్మించిన ఓ రైల్వే ఓవర్ బ్రిడ్జి (ఆర్వోబీ) ప్రారంభానికి ముందే పాడయ్యింది. తెలంగాణలోనే అతిపెద్ద నాలుగు లేన్ల ఈ వంతెన గుంతలు పడి, ఇనుప చువ్వలు తేలి ప్రమాదకరంగా మారింది. దీనిపై ప్రయాణం కష్టంగా మారడంతో వాహనదారులు భయాందోళన చెందుతున్నారు. వివరాల్లోకి వెళితే.. హనుమకొండ జిల్లా కమలాపూర్ మండలం ఉప్పల్ వద్ద గత బీఆర్ఎస్ హయాంలో పరకాల-హుజురాబాద్ రహదారిపై ఆర్వోబీ నిర్మాణానికి రూ. 100 కోట్లు కేటాయించి పనులు చేపట్టారు.
ఇందులో రాష్ట్ర ప్రభుత్వ వాటాకింద రూ. 60 కోట్లతో పనులు పూర్తిచేసింది. తన వాటాకింద రూ. 40 కోట్లతో మిగిలిన పనులు చేయాల్సిన కేంద్రం నాలుగేండ్లు పెండింగ్లో పెట్టింది. అనేక ఒత్తిడిలు, ఆందోళనల నేపథ్యంలో ఇటీవల పూర్తిచేసింది. రైల్వే లైన్పై బ్రిడ్జి ఏర్పాటు చేయడంతో మూడు నెలలుగా దానిపై నుంచి వాహనాలు నడుస్తున్నాయి. అయితే దీనిని అధికారికంగా ప్రారంభించకముందే వంతెనపై గుంతలు పడి ఇనుప చువ్వలు బయటకు తేలి ప్రమాదకరంగా మారడమే కాకుండా ఒకచోట రంధ్రం కూడా పడింది.
కరీంనగర్, హనుమకొండ, భూపాలపల్లి, ములుగు జిల్లాలకు వారధిగా ఉన్న ఈ బ్రిడ్జిపై వాహనాలు నడిపేందుకు వాహనదారులు తీవ్ర ఇబ్బందులు పడుతున్నారు. భారీ గ్రానైట్, బొగ్గు లారీలు దీనిపై వేగంగా వెళితే ముప్పు వాటిల్లే అవకాశం ఉందని స్థానికులు ఆందోళన వ్యక్తం చేస్తున్నారు. ఈ నెల 29న ఉపాధిహామీ పనులు పరిశీలించేందుకు ఉప్పల్కు వచ్చిన కలెక్టర్ దృష్టికి ఆర్వోబీ పరిస్థితిని గ్రామస్తులు తీసుకెళ్లినప్పటికీ సంబంధిత అధికారులు మాత్రం పట్టించుకోవడం లేదు.
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
IND vs NZ | కివీస్పై భారత్ సంచలన విజయం.. ఏడేళ్ల రికార్డు బద్దలు!
Dhanush | మమ్ముట్టిపై నా అభిప్రాయం పూర్తిగా మారిపోయింది.. మెగాస్టార్పై ధనుష్ ప్రశంసలు!
Dear Astronaut | అంతరిక్షయాన కల నెరవేర్చేందుకు తండ్రి సాహసం.. ఆకట్టుకుంటున్న ‘డియర్ ఆస్ట్రోనాట్’ ట్రైలర్
Health tips | మీ డైట్లో బీట్రూట్ ఉంటే ఆరోగ్యానికి ఎంత మేలో తెలుసా..?
Panchayat elections | ఏపీలో తొలిదశ పంచాయతీ ఎన్నికలకు కొనసాగుతున్న నామినేషన్లు
ట్రెండింగ్ వార్తలు
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!

