KCR photo | కేసీఆర్‌ ఫొటోతో కొత్త నోట్‌బుక్ పంపిణీ‌..! అవాక్కైన ఉపాధ్యాయులు

విద్యాశాఖాధికారులు నిర్లక్ష్యంగా వ్యవహరించి మాజీ సీఎం కేసీఆర్‌ ఫొటోతో కొత్త నోట్‌బుక్‌ ముద్రించారు.

హనుమకొండ చౌరస్తా, జూన్‌ 12: విద్యాశాఖాధికారులు నిర్లక్ష్యంగా వ్యవహరించి మాజీ సీఎం కేసీఆర్‌ ఫొటోతో కొత్త నోట్‌బుక్‌ ముద్రించారు. ఈ సంఘటన హనుమకొండలో చోటు చేసుకుంది. వివరాల్లోకి వెళ్తే..గురువారం నుంచి పాఠశాలలు పునఃప్రారంభం కావడంతో నోట్‌బుక్స్​​‍పంపిణీ చేసేందుకు విద్యాశాఖాధికారులు సిద్ధమయ్యారు. జిల్లావ్యాప్తంగా ముద్రించిన పుస్తకాలు ఆయా పాఠశాలలకు చేరాయి. కాగా, హనుమకొండ లష్కర్‌బజార్‌లోని మర్కజీ ప్రభుత్వ ఉన్నత పాఠశాలలో గురువారం విద్యార్థులకు నోట్‌బుక్స్​పంపిణీ చేస్తుండగా మాజీ సీఎం కేసీఆర్‌ ఫొటోతో ఉన్న నోట్‌బుక్‌ రావడంతో ఒక్కసారిగా ఉపాధ్యాయులు అవాక్కయ్యారు.

వెంటనే అప్రమత్తమైన ఉపాధ్యాయులు ఆ నోట్‌బుక్‌ను మూలనపడేసి ఇతర నోట్‌బుక్స్‌ను పంపిణీ చేయడం విశేషం. ప్రభుత్వం సరఫరా చేస్తున్న నోట్‌బుక్స్‌లో ఆ ఒక్క నోట్‌బుక్‌పై కేసీఆర్‌ ఫొటో రావడంపై ఉపాధ్యాయులు తలలు పట్టుకుంటున్నారు. వెంటనే విషయాన్ని విద్యాశాఖాధికారుల దృష్టికి తీసుకెళ్లిన్నట్లు సమాచారం.