Visit:
Warden | ఓ హాస్టల్ వార్డెన్ విద్యార్థినిపై కర్కశంగా వ్యవహరించింది. ఎస్సీ గర్ల్స్ హాస్టల్లో వార్డెన్ భవాని ఓ విద్యార్థినిని చితకబాదిన ఘటన జయశంకర్ భూపాలపల్లి జిల్లా కేంద్రంలో వెలుగు చూసింది.
డిగ్రీ థర్డ్ ఇయర్ చదువుతున్న విద్యార్థినిని హాస్టల్ వార్డెన్ భవాని కర్ర, చేతులతో విచక్షణారహితంగా కొట్టింది. ఈ ఘటనను అక్కడే ఉన్న తోటి విద్యార్థినులు వీడియోలో తీశారు. గత నెల 24న జరిగిన ఈ ఘటన ఆలస్యంగా వెలుగులోకి వచ్చింది.
ఎగ్జిట్ అయి చెప్పి పోయినవ్ కదా హాస్టల్లో.. ఎగ్జిట్ పన్నెండింటికి అయిపోతది. మళ్లీ ఎగ్జిట్ అయిపోయే టైం హాస్టల్ ఉండాలన్న సోయి లేదా నీకు అంటూ వార్డెన్ ఓ వైపు కర్రలు, మరోవైపు చేతులతో విద్యార్థినిని చితకబాదింది. సోషల్ మీడియాలో వార్డెన్ దాడికి సంబంధించిన వీడియో వైరల్ అవుతోంది.
ఇదే ఎస్సీ హాస్టల్ వార్డెన్ రెండు నెలల క్రితం విద్యార్థినులకు మత బోధనలు చేయిస్తూ వార్తల్లో నిలిచింది. తాజా ఘటన నేపథ్యంలో హాస్టల్ ముందు విద్యార్థి సంఘాల నిరసన చేపట్టారు. విద్యార్థిని పట్ల దారుణంగా వ్యవహరించిన వార్డెన్ పై చర్యలు తీసుకోవాలని డిమాండ్ చేశారు.
ఎస్సీ గర్ల్స్ హాస్టల్ లో విద్యార్థినిని చితకబాదిన వార్డెన్
(Sensitive)జయశంకర్ భూపాలపల్లి జిల్లా కేంద్రంలో ఘటన
కర్ర, చేతులతో ఇష్టారీతిన డిగ్రీ మూడవ సంవత్సరం చదువుతున్న విద్యార్థినిని విచక్షణారహితంగా చావబాదిన హాస్టల్ వార్డెన్ భవాని
వీడియో తీసిన తోటి విద్యార్థినులు
గత నెల 24న… pic.twitter.com/gsa3E4LrRH
— ChotaNews App (@ChotaNewsApp) December 29, 2025
