Pingili College | పింగిళి కాలేజీలో ఎపికల్‌ సాఫ్ట్‌ సొల్యూషన్‌ క్యాంపస్ డ్రైవ్‌

హనుమకొండ వడ్డేపల్లిలోని పింగళి ప్రభుత్వ డిగ్రీ కాలేజీలో కెరీర్‌ గైడెన్స్​సెల్‌ ఆధ్వర్యంలో ఎపికల్‌ సాఫ్ట్‌ సొల్యూషన్‌చే క్యాంపస్ డ్రైవ్‌ నిర్వహించారు.

హనుమకొండ చౌరస్తా, సెప్టెంబర్‌ 3: హనుమకొండ వడ్డేపల్లిలోని పింగళి ప్రభుత్వ డిగ్రీ కాలేజీలో కెరీర్‌ గైడెన్స్​సెల్‌ ఆధ్వర్యంలో ఎపికల్‌ సాఫ్ట్‌ సొల్యూషన్‌చే క్యాంపస్ డ్రైవ్‌ నిర్వహించారు. కాలేజీ ప్రిన్సిపాల్‌ ప్రొఫెసర్‌ బి.చంద్రమౌళి మాట్లాడుతూ.. విద్యార్థినులు ఉద్యోగావకాశాలలో నైపుణ్యాన్ని కనబరిచి వివిధ కంపెనీలల్లో ఉద్యోగ, ఉపాధి అవకాశాలు పొందాలన్నారు.

కెరియర్‌ గైడెన్స్​‍కన్వీనర్‌ జె.లకన్‌సింగ్‌ మాట్లాడుతూ కాలేజీల్లోని అన్ని గ్రూపుల విద్యార్థినులు వారి ఉన్నత భవిష్యత్తు కోసం ఈ అవకాశాన్ని సద్వినియోగం చేసుకోవాలని సూచించారు. క్యాంపస్ డ్రైవ్‌లో భాగంగా మూడో సంవత్సరం విద్యార్థినులకు మూడు దశలలో పరీక్షలు నిర్వహించి హెచ్‌ఆర్‌ కోసం ఇద్దరిని, మార్కెటింగ్‌ ప్లేస్మెంట్‌ కోసం నలుగురిని సెలెక్ట్‌ చేసుకున్నట్లు ఎపికల్‌ సాఫ్ట్‌ సొల్యూషన్‌ సీఈవో నవనీత్‌ తెలిపారు.