Visit:
ముంబై : బాలీవుడ్ థ్రిల్ల‌ర్ మూవీ భూల్ భుల‌య్య‌లో మంజూలిక క్యారెక్ట‌ర్ ప్రేక్ష‌కుల్ని భ‌య‌పెట్ట‌గా తాజాగా మెట్రో రైల్‌లో మంజూలిక వేష‌ధార‌ణ‌లో ఓ మ‌హిళ హ‌ల్చ‌ల్ చేసింది. విద్యాబాల‌న్ బ్రిలియంట్ పెర్ఫామెన్స్‌తో మంజూలిక క్యారెక్ట‌ర్ ప్రేక్ష‌కుల మ‌నసుల్లో నాటుకుపోయింది.
View this post on Instagram
ఇక మంజూలిక‌లా డ్రెస్ చేసుకున్న మ‌హిళ మెట్రో రైల్‌లో ప్రయాణీకులను ఆట‌ప‌ట్టించింది. ఈ వీడియో ఆన్‌లైన్‌లో వైర‌ల్‌గా మారింది. ఈ వైర‌ల్ వీడియోలో మంజూలిక‌గా త‌యారై మెట్రో కంపార్ట్‌మెంట్‌లో క‌లియ‌తిర‌గ‌డం క‌నిపిస్తుంది. కంపార్ట్‌మెంట్‌లో కూర్చున్న ప్రయాణీకులను భ‌య‌పెట్టేందుకు ఆమె ప్ర‌య‌త్నించింది.
ఆమె స్టేజ్‌పై ఇలా చేసి ఉంటే మంచి న‌టిగా పేరు వ‌చ్చేద‌ని, థియేట‌ర్ల‌లో డ్రామా పండించ‌వ‌చ్చుకానీ..నిజ‌జీవితంలో కాద‌ని ఓ యూజ‌ర్ రాసుకొచ్చారు. అస‌లు ఈమె సెక్యూరిటీ కండ్లు కప్పి మెట్రో రైల్‌లోకి ఎలా ఎంట‌రైంద‌ని మ‌రో యూజ‌ర్ ఆశ్చ‌ర్యం వ్య‌క్తం చేశారు.
