Dwarfs : ఆ ఊళ్లో స‌గం మంది మ‌రుగుజ్జులే.. కార‌ణం ఏంటో తెలుసా?

ఆ ఊళ్లో స‌గం మంది మ‌రుగుజ్జులే | మ‌రుగుజ్జులు అంటే తెలుసు క‌దా. సాధార‌ణంగా ఉండాల్సిన పొడవు క‌న్నా త‌క్కువ పొడ‌వు

November 17, 2021 / 04:45 PM IST

Dwarfs : ఆ ఊళ్లో స‌గం మంది మ‌రుగుజ్జులే.. కార‌ణం ఏంటో తెలుసా?

మ‌రుగుజ్జులు అంటే తెలుసు క‌దా. సాధార‌ణంగా ఉండాల్సిన పొడవు క‌న్నా త‌క్కువ పొడ‌వు ఉన్న‌వాళ్ల‌ను మ‌రుగుజ్జులు లేదా పొట్టివాళ్లు అంటారు. ఒక ఊరిలో మా అంటే ఒక‌రు ఇద్ద‌రు ఉంటారు కావ‌చ్చు మ‌రుగుజ్జులు. కానీ.. ఒక ఊళ్లో మాత్రం స‌గం మంది మ‌రుగుజ్జులే. చ‌ద‌వ‌డానికే వింత‌గా ఉంది క‌దా. ప‌దండి.. ఇంకాస్త ముందుకెళ్దాం.

ఇంత‌కీ ఆ ఊరు ఎక్క‌డుందంటే.. చైనాలోని సిచువాన్ ప్రావిన్స్‌లో ఉంది. ఆ ఊరు పేరు యాంగ్సి. ఆ ఊరిలో ఉన్న వాళ్ల‌లో స‌గం మంది మ‌రుగుజ్జులే. అస‌లు.. ఆ ఊరిలో అంత‌మంది ఎలా మ‌రుగుజ్జులు అయ్యారో ఎవ్వ‌రికీ అంతుప‌ట్ట‌డం లేదు. ఆ ఊళ్లో ఉన్న‌ మ‌రుగుజ్జుల్లో ఎక్కువ హైటే 3 ఫీట్లా 10 ఇంచులు. త‌క్కువ హైట్ 2 ఫీట్లా ఒక ఇంచ్‌.

ఒక‌వేళ ఆ ఊరి ప్ర‌జ‌లు తినే ఆహారం, ఆ ఊరు నీళ్లు, ప్రాంతం, నేల స్వ‌భావం.. ఇలా వీటిలో దేనివ‌ల్ల అయినా వాళ్లు మ‌రుగుజ్జులు అయ్యారేమో అని సైంటిస్టులు ఎన్నో టెస్టులు చేసిన‌ప్ప‌టికీ అస‌లు ర‌హ‌స్యం మాత్రం క‌నుక్కోలేక‌పోయారు.

అయితే.. ఆ ఊరికి చెందిన ఓ పెద్ద‌మ‌నిషి ఏమంటాడంటే.. వేసవికాలంలో ఓ రోజు అర్ధ‌రాత్రి స‌మ‌యంలో ఒక మాయ‌దారి రోగం ఊరిలోని చిన్న పిల్ల‌ల‌కు సోకింది. అది కూడా 5 నుంచి 7 సంవ‌త్స‌రాలు ఉన్న పిల్ల‌ల‌కే సోకింది. అప్ప‌టి నుంచి ఆ పిల్ల‌ల్లో ఎదుగుద‌ల ఆగిపోయింది. వాళ్ల‌లో కొంద‌రికి కాళ్లు చేతులు ప‌డిపోయాయి. విక‌లాంగులుగా మారిపోయారు.. అని చెప్పుకొచ్చాడు.

అయితే.. 1997లో మ‌రో విష‌యం వెలుగులోకి వ‌చ్చింది. ఆ ఊరిలోని నేల‌లో మెర్క్యూరీ సాంద్ర‌త పెర‌గ‌డం వ‌ల్ల అక్క‌డి ప్ర‌జ‌ల్లో పెరుగుద‌ల ఆగిపోయింది అనే విష‌యం కూడా ప్ర‌చారంలోకి వ‌చ్చింది.

లేదు లేదు.. జ‌పాన్‌.. చైనాలో విష‌పు గ్యాస్‌ను వ‌దిలిన‌ప్పుడు.. ఆ విష‌పు గ్యాస్‌.. ఈ ఊరిలోకి వ్యాపించింది. అందుకే.. ఇక్క‌డి ప్ర‌జ‌లు ఎత్తు పెర‌గ‌లేదు అంటూ మ‌రో వాద‌న కూడా తెర‌మీదికి వ‌చ్చింది.

ఇలా ఆ ఊరి మ‌రుగుజ్జుల మీద ప‌లు ర‌కాల వాద‌న‌లు తెర మీదికి వ‌స్తున్న‌ప్ప‌ట‌కి… అస‌లు ర‌హ‌స్యాన్ని మాత్రం ఎవ్వ‌రూ క‌నుక్కోలేక‌పోయారు… పైవాటిని ధృవీక‌రించ‌లేక‌పోయారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి