హ‌నుమంతుడి కాళ్ల‌కు మొక్కి మరీ గుడిలోని హుండీని ఎత్తుకెళ్లాడు

హ‌నుమంతుడి కాళ్ల‌కు మొక్కి మరీ | గుడుల‌లో దొంగ‌త‌నాలు జ‌ర‌గ‌డం అనేది ఇదే కొత్తేమీ కాదు. ఇదివ‌ర‌కు చాలాసార్లు జ‌రిగాయి. గుడుల‌లో ఉన్న హుండీల‌ను ఎత్తుకెళ్లారు దొంగ‌లు.

November 13, 2021 / 09:53 PM IST

హ‌నుమంతుడి కాళ్ల‌కు మొక్కి మరీ గుడిలోని హుండీని ఎత్తుకెళ్లాడు

గుడుల‌లో దొంగ‌త‌నాలు జ‌ర‌గ‌డం అనేది ఇదే కొత్తేమీ కాదు. ఇదివ‌ర‌కు చాలాసార్లు జ‌రిగాయి. గుడుల‌లో ఉన్న హుండీల‌ను కూడా దొంగ‌లు వ‌దిలిపెట్ట‌లేదు. ఆ ఘ‌ట‌న‌లు గుడుల‌లో ఉన్న సీసీకెమెరాల్లోనూ రికార్డ్ అయ్యేవి. సీసీఫుటెజ్ ఆధారంగా పోలీసులు.. దాదాపు అంద‌రు దొంగ‌ల‌ను ప‌ట్టేసుకునేవారు కానీ.. గుడుల‌లో ఉన్న హుండీలు, డొనేష‌న్ బాక్సుల‌ను కూడా దొంగ‌లు వ‌ద‌ల‌డం లేదంటే.. దొంగ‌లు ఎంత మితిమీరిపోయారో అర్థం అవుతోంది.

తాజాగా అటువంటి ఘ‌ట‌నే ఒక‌టి మ‌హారాష్ట్ర‌లోని థానేలో చోటు చేసుకుంది. థానే వెస్ట్‌లో ఖొప‌ట్ బ‌స్ డిపోకు స‌మీపంలో ఉన్న క‌బిర్‌వాడీ హ‌నుమాన్ టెంపుల్‌కు ఓ యువ‌కుడు రాత్రిపూట వ‌చ్చాడు. అప్ప‌టికి గుడి త‌లుపులు తెరిచే ఉన్నాయి. పూజారి కూడా లేడు. దీంతో అత‌డికి దుర్బుద్ధి పుట్టింది. కాసేపు ఫోన్‌తో గుడిలో టైమ్‌పాస్ చేశాడు. ఆ త‌ర్వాత ఫోన్‌ను జేబులో పెట్టుకొని వెళ్లి హ‌నుమంతుడి కాళ్ల‌కు మొక్కి.. అక్క‌డే ఉన్న డొనేష‌న్ బాక్స్‌ను అందుకొని అక్క‌డి నుంచి ఉడాయించాడు.

ఈ ఘ‌ట‌న గుడిలోని సీసీకెమెరాలో రికార్డ్ అయింది. తెల్లారాక‌.. డొనేష‌న్ బాక్స్ క‌నిపించ‌క‌పోయేస‌రికి.. గుడి పూజారి మ‌హంత్‌.. పోలీసుల‌కు ఫిర్యాదు చేశాడు. సీసీటీవీ ఫుటేజ్ ఆధారంగా దొంగ‌ను క‌నిపెట్టి.. అరెస్ట్ చేశారు పోలీసులు. ప్ర‌స్తుతం ఈ ఘ‌ట‌న‌కు సంబంధించిన వీడియో సోష‌ల్ మీడియాలో వైర‌ల్ అవుతోంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి