విజ‌యం సాధించాలంటే ఇవి క‌చ్చితంగా ఉండాలి..ఆనంద్ మ‌హీంద్రా వీడియో వైర‌ల్‌

మ‌హీంద్రా గ్రూప్ చైర్మ‌న్ ఆనంద్ మ‌హీంద్రా ట్విట‌ర్‌లో త‌రుచూ మోటివేష‌న‌ల్ వీడియోలు షేర్ చేస్తుంటారు. ఇటీవ‌ల చేప‌లు ప‌ట్టే బాలుడి వీడియోను పోస్ట్ చేశారు. అంకిత‌భావం, సింప్లిసిటీ, ఓపిక ఉంటే విజ‌యం సాధించొచ్చ‌నేందుకు ఈ వీడియో ఉదాహ‌ర‌ణ అని చెప్పారు. 'ఈ వీడియో నాకు ఇన్‌స్టాలో వ‌చ్చింది.

మ‌హీంద్రా గ్రూప్ చైర్మ‌న్ ఆనంద్ మ‌హీంద్రా ట్విట‌ర్‌లో త‌రుచూ మోటివేష‌న‌ల్ వీడియోలు షేర్ చేస్తుంటారు. ఇటీవ‌ల చేప‌లు ప‌ట్టే బాలుడి వీడియోను పోస్ట్ చేశారు. అంకిత‌భావం, సింప్లిసిటీ, ఓపిక ఉంటే విజ‌యం సాధించొచ్చ‌నేందుకు ఈ వీడియో ఉదాహ‌ర‌ణ అని చెప్పారు. ‘ఈ వీడియో నాకు ఇన్‌స్టాలో వ‌చ్చింది. ఈ సంక్లిష్ట ప్ర‌పంచంలో ఇలాంటి వీడియోలు మ‌న‌కు వింత‌గా, ప్ర‌శాంతంగా అనిపిస్తాయి. దృఢ సంక‌ల్పం + చాతుర్యం + ఓర్పు = విజయం అని నిరూపించే చిన్న క‌థ‌నం ఇది’ అని ఆనంద్ మ‌హీంద్రా పేర్కొన్నారు.

ఈ వీడియోలో బాలుడు చెరువు ఒడ్డున ఒక చ‌క్రం ఉన్న యంత్రాన్ని బిగిస్తాడు. ఆ చ‌క్రానికి ఉన్న గాలానికి ఇంట్లో త‌యారుచేసిన పిండిని అంటిస్తాడు. ఆ గాలాన్ని నీటిలో వ‌దులుతాడు. అక్క‌డే ఓపిగ్గా ఎదురుచూస్తాడు. చేప‌లు ప‌డ‌గానే యంత్రం సాయంతో గాలాన్ని లాగ‌గా, రెండు భారీ చేప‌లు ప‌డ‌తాయి. వాటిని సంతోషంగా సంచిలో వేసుకుని అక్క‌డినుంచి వెళ్లిపోతాడు. ఈ వీడియోకు మిలియ‌న్ వ్యూస్ వ‌చ్చాయి. నెటిజ‌న్లు కూడా ఆ బాలుడి అంకిత‌భావాన్ని, స్మార్ట్ వ‌ర్క్‌ను మెచ్చుకున్నారు.

This showed up in my inbox without commentary. It is strangely calming to watch in an increasingly complex world. A ‘short story’ that proves: Determination + Ingenuity + Patience = Success pic.twitter.com/fuIcrMUOIN

— anand mahindra (@anandmahindra) April 1, 2022