Visit:
MSG | సంక్రాంతి బరిలో ఈసారి మెగాస్టార్ చిరంజీవి స్పీడ్ మరింత పెరిగింది. అనిల్ రావిపూడి దర్శకత్వంలో తెరకెక్కుతున్న మాస్ ఎంటర్టైనర్ ‘మన శంకర వరప్రసాద్ గారు (MSG)’ ఇప్పటికే ప్రేక్షకుల్లో భారీ అంచనాలు క్రియేట్ చేస్తోంది. ‘వాల్తేరు వీరయ్య’ తర్వాత చిరంజీవి నుంచి వస్తున్న పక్కా కమర్షియల్ సినిమా కావడంతో అభిమానుల్లో ప్రత్యేక ఉత్సాహం కనిపిస్తోంది. కమర్షియల్ ఎలిమెంట్స్కు చిరంజీవి మాస్ ఇమేజ్, కామెడీ టైమింగ్ కలిస్తే థియేటర్లలో ఏ రేంజ్ వినోదం ఉంటుందన్నదానిపై ట్రేడ్ వర్గాల్లో కూడా పాజిటివ్ బజ్ నెలకొంది.ఈ చిత్రంలో చిరంజీవి సరసన స్టార్ హీరోయిన్ నయనతార నటిస్తుండగా, విక్టరీ వెంకటేష్ కీలక పాత్రలో కనిపించనున్నారు.
చిరంజీవి, వెంకటేష్లపై తెరకెక్కించిన పార్టీ సాంగ్కు సంబంధించిన ప్రోమో సోషల్ మీడియాలో దుమ్మురేపుతోంది. ఇప్పటికే విడుదలైన పాటలు మాస్ ఆడియెన్స్ను బాగా ఆకట్టుకున్నాయి. ముఖ్యంగా చిరంజీవి స్టెప్స్తో పాటు అనిల్ రావిపూడి మార్క్ హ్యూమర్ పాటల్లో స్పష్టంగా కనిపించడంతో అభిమానులు ఫుల్ ఖుషీ అవుతున్నారు.విడుదలకు సమయం దగ్గరపడుతుండటంతో చిత్ర యూనిట్ ప్రమోషన్ల వేగాన్ని సినిమా విడుదలకు ఇంకా కేవలం 15 రోజులే మిగిలి ఉన్నాయని తెలియజేస్తూ ఇటీవల ఓ పోస్టర్ విడుదల చేయగా, అందులో చిరంజీవి కొబ్బరి బోండం తాగుతూ స్టైలిష్, ఫన్ లుక్లో కనిపించడం అభిమానులను ఆకట్టుకుంటోంది. సాధారణంగా మాస్ పోస్టర్లతో అలరించే చిరు, ఈసారి కాస్త లైట్ టచ్తో కనిపించడంతో ఈ లుక్ సోషల్ మీడియాలో ట్రెండింగ్గా మారింది.
మరోవైపు ఈ మూవీ ట్రైలర్ ఎప్పుడు వస్తుందా అని ఫ్యాన్స్ ఎంతో ఆసక్తిగా ఎదురు చూస్తుండగా, దీనికి సంబంధించిన వార్త ఒకటి నెట్టింట వైరల్ అవుతుంది. జనవరి 4న తిరుపతిలో ట్రైలర్ లాంచ్ నిర్వహించేందుకు మేకర్స్ రెడీ అవుతున్నట్లు తెలుస్తోంది. త్వరలోనే దీనికి సంబంధించి క్లారిటీ రానుంది. ఇదిలా ఉండగా ఓవర్సీస్ మార్కెట్లో కూడా ‘మన శంకర వరప్రసాద్ గారు’ క్రేజ్ స్పష్టంగా కనిపిస్తోంది. అమెరికాలో ఈ సినిమాకు సంబంధించిన బుకింగ్స్ ఇప్పటికే ఓపెన్ అయ్యాయని మేకర్స్ వెల్లడించారు. భీమ్స్ సిసిరోలియో సంగీతం అందిస్తున్న ఈ చిత్రాన్ని సాహు గారపాటి, సుస్మిత కొణిదెల భారీ స్థాయిలో నిర్మించారు. సంక్రాంతి కానుకగా జనవరి 12న గ్రాండ్గా థియేటర్లలోకి రానున్న ఈ సినిమా అనిల్ రావిపూడి మార్క్ ఎంటర్టైన్మెంట్, చిరంజీవి మాస్ స్వాగ్ కలయికతో ప్రేక్షకులకు ఫుల్ మీల్స్ ఎక్స్పీరియన్స్ ఇవ్వబోతోందని అభిమానులు ఆశిస్తున్నారు. జనవరి 11 ప్రీమియర్స్తోనే ‘మన శంకర వరప్రసాద్ గారు’ బాక్సాఫీస్ రేంజ్ ఏంటో తేలిపోతుందని ట్రేడ్ వర్గాలు అంచనా వేస్తున్నాయి.
