పుష్ప‌..పుష్ప‌రాజ్ రాసేదే లే.. ప‌దో త‌ర‌గ‌తి విద్యార్థి స‌మాధానం..టీచ‌ర్ షాక్‌!!

ప‌రీక్ష‌లో ఓ ప‌దో త‌ర‌గ‌తి విద్యార్థి ఆన్స‌ర్ షీట్‌పై ఇలాంటి డైలాగ్ రాయ‌గా, అది సోష‌ల్‌మీడియాలో చ‌క్క‌ర్లు కొడుతోంది.

సినిమాలు పిల్ల‌ల‌పై తీవ్ర ప్ర‌భావాన్ని చూపుతాయి. హీరో మేన‌రిజ‌మ్స్‌ను అచ్చుగుద్దిన‌ట్లు అనుక‌రిస్తుంటారు. ఇటీవ‌ల విడుద‌లైన అల్లు అర్జున్ సినిమా పుష్ప‌లో డైలాగ్స్‌ను పిల్లలంద‌రూ ఇమిటేట్ చేసేస్తున్నారు. త‌గ్గేదే లే డైలాగ్ అయితే ఇక చెప్ప‌క్క‌ర్లేదు. ఏ పిల్లాడి నోట విన్నా అదే డైలాగ్ వినిపిస్తోంది. అయితే, ప‌రీక్ష‌లో ఓ ప‌దో త‌ర‌గ‌తి విద్యార్థి ఆన్స‌ర్ షీట్‌పై ఇలాంటి డైలాగ్ రాయ‌గా, అది సోష‌ల్‌మీడియాలో చ‌క్క‌ర్లు కొడుతోంది.

ప‌శ్చిమ‌బెంగాల్‌లో ప‌దో త‌ర‌గ‌తి విద్యార్థుల‌కు హాఫ్ ఇయ‌ర్లీ ప‌రీక్ష‌లు మార్చి 7 నుంచి మార్చి 16 వ‌ర‌కు జ‌రిగాయి. కాగా, ఈ ప‌రీక్ష‌ల స‌మాధాన ప‌త్రాలు మూల్యాంక‌నం చేస్తున్న టీచ‌ర్‌కు ఓ షాక్ త‌గిలింది. ఓ విద్యార్థి స‌మాధాన ప‌త్రంపై తాటికాయంత అక్ష‌రాల‌తో పుష్ప.. పుష్ప‌రాజ్ అపున్ లికేంగా న‌హీ (పుష్ప‌..పుష్పరాజ్ రాసేదేలే) అని రాశాడు. ఈ స‌మాధాన ప్ర‌తం చూసిన టీచ‌ర్ కంగుతిన్నాడు. దీన్ని సోష‌ల్‌మీడియాలో పెట్ట‌గా వైర‌ల్‌గామారింది. దీనిపై నెటిజ‌న్లు మీమ్స్ వేస్తూ ఎంజాయ్‌చేస్తున్నారు.