వేతనాలు చెల్లించండి మహాప్రభో!. నాలుగునెలలుగా అల్లాడుతున్నం

‘వేతనాలు చెల్లించండి మహాప్రభో’ అంటూ మిషన్‌ భగీరథ కార్మికులు తీవ్ర ఆవేదన వ్యక్తంచేశారు. అధికార కాంగ్రెస్‌ పార్టీకి చెందిన ఐఎన్‌టీయూసీ అనుబంధ మిషన్‌ భగీరథ కార్మిక సంఘం ఆధ్వర్యంలో గురువారం ఖమ్మం లోని మిషన్‌ భగీరథ కార్యాలయం ఎదుట ధర్నా నిర్వహించారు.

• ఖమ్మం నగరంలోని మిషన్‌ భగీరథ కార్యాలయం ఎదుట కార్మికుల ధర్నా

మామిళ్లగూడెం, జూన్‌ 4: ‘వేతనాలు చెల్లించండి మహాప్రభో’ అంటూ మిషన్‌ భగీరథ కార్మికులు తీవ్ర ఆవేదన వ్యక్తంచేశారు. అధికార కాంగ్రెస్‌ పార్టీకి చెందిన ఐఎన్‌టీయూసీ అనుబంధ మిషన్‌ భగీరథ కార్మిక సంఘం ఆధ్వర్యంలో గురువారం ఖమ్మం లోని మిషన్‌ భగీరథ కార్యాలయం ఎదుట ధర్నా నిర్వహించారు.

ఈ సందర్భంగా ఆ సంఘం రాష్ట్ర అధ్యక్షుడు తలారి రాములు మాట్లాడుతూ.. నాలుగునెలలుగా వేతనాలు చెల్లించకపోవడంతో కార్మికులు అప్పులపాలవుతున్నారని ఆవేదన వ్యక్తంచేశారు. ఉద్యోగ భద్రత కల్పించి, పెండింగ్‌లోని జీతాలు మిషన్‌ భగీరథ కార్పొరేషన్‌ ద్వారా వెంటనే చెల్లించాలని డిమాండ్‌ చేశారు.