RTC Conductor | కండక్టర్ ప్రాణం మీదికి తెచ్చిన ‘చిల్లర’.. భద్రాద్రి జిల్లాలో దారుణం
RTC Conductor | చిల్లర విషయంలో ప్రయాణికురాలు, కండక్టర్కు మధ్య జరిగిన వివాదంలో మహిళా కండక్టర్ ప్రాణాపాయ స్థితిలోకి వెళ్లిన ఘటన భద్రాద్రి జిల్లా అశ్వాపురం మండలంలో ఆదివారం చోటుచేసుకున్నది.
RTC Conductor | అశ్వాపురం/ హైదరాబాద్, (నమస్తే తెలంగాణ) అక్టోబర్ 25: చిల్లర విషయంలో ప్రయాణికురాలు, కండక్టర్కు మధ్య జరిగిన వివాదంలో మహిళా కండక్టర్ ప్రాణాపాయ స్థితిలోకి వెళ్లిన ఘటన భద్రాద్రి జిల్లా అశ్వాపురం మండలంలో ఆదివారం చోటుచేసుకున్నది. అశ్వాపురం సీఐ ఎల్లయ్య కథనం ప్ర కారం.. మణుగూరు నుంచి భద్రాచలం వెళ్తు న్న ఆర్టీసీ పల్లెవెలుగు బస్సులో మౌనిక అనే ప్రయాణికురాలు తన కుమారుడితో కలిసి ఎక్కింది.
అశ్వాపురం మండలం మిట్టగూడెం లో దిగేందుకు తన కుమారుడికి హాఫ్ టికెట్ ఇవ్వాలంటూ కండక్టర్ ప్రవళికకు రూ.100 నోటు ఇచ్చింది. చిల్లర విషయంలో ఇద్దరి మధ్య మాటామాటా పెరిగి వాగ్వాదం చోటుచేసుకున్నది. దీంతో ప్రయాణికురాలిపై అశ్వాపురం పోలీస్స్టేషన్లో ఫిర్యాదు చేయాలని కండక్టర్ భావించింది. ఈ మేరకు మిట్టగూడెం స్టాప్లో ప్రయాణికురాలిని బస్సు దిగనివ్వకుండా కండక్టర్ డోరు వద్ద నిలువరించింది. బస్స్టాప్ దాటిపోతుండటంతో మహిళా కండక్టర్ను సదరు ప్రయాణికులు నెట్టివేసింది.
దీంతో కండక్టర్.. బస్సు డోర్ నుంచి రోడ్డుపై పడిపోగా ఆమె కుడి కాలు పైనుంచి బస్సు వెనుక టైర్లు ఎక్కడంతో కాలు నుజ్జునుజ్జయింది. ఎడమ కాలుకు తీవ్ర గాయమైంది. స్థానికులు, తోటి ప్రయాణిలు స్పందించి 108 అంబులెన్స్ ద్వారా కండక్టర్ను భద్రాచలం ఏరియా దవాఖానకు తరలించారు. అశ్వాపు రం పోలీసులు ప్రయాణికురాలిని అదుపులోకి తీసుకున్నారు. మణుగూరు డీఎం ఫిర్యాదు మేరకు కేసు నమోదుచేసి, దర్యాప్తు చేస్తున్నట్టు అశ్వాపురం సీఐ ఎల్లయ్య తెలిపారు.
కండక్టర్కు మెరుగైన వైద్యం అందించండి
మణుగూరు డిపోకు చెందిన ఆర్టీసీ కండక్టర్ ప్రవళికపై జరిగిన దాడిని రాష్ట్ర రవాణా శాఖ మంత్రి పొన్నం ప్రభాకర్ ఖండించారు. ఈ ఘటనకు సంబంధించిన వివరాలను ఆర్టీసీ ఎండీ నాగిరెడ్డితో మాట్లాడి తెలుసుకున్నారు. విధి నిర్వహణలో ఉన్న కండక్టర్పై దాడికి పాల్పడిన వారిపై కేసులు నమోదుచేసి, చట్ట ప్రకారం చర్యలు తీసుకోవాలని అధికారులను ఆదేశించారు. కండక్టర్ ప్రవళికకు మెరుగైన చికిత్స అందించాలని ఆర్టీసీ ఉన్నతాధికారులను మంత్రి ఆదేశించారు.
విధుల్లో ఉన్న సిబ్బందితో ప్రయాణికులు సహృదయంతో వ్యవహరించాలని, ఏవైనా సమస్యలు ఎదురైతే అధికారుల దృష్టికి తీసుకెళ్లాలని సూచించారు. సమస్యల పరిషారానికి దాడులు చేయడం పద్ధతి కాదని స్పష్టం చేశారు. మహిళాకండక్టర్పై దాడిని ఆర్టీసీ కార్మిక సంఘాల నేతలు ఈదురు వెంకన్న, థామస్రెడ్డి, కమల్రెడ్డి, నరేదందర్, హనుమంతు ముదిరాజ్, వీఎస్రావు తదితరులు తీవ్రంగా ఖండించారు. దాడిచేసిన వారిపై కఠిన చర్యలు తీసుకోవాలని డిమాండ్ చేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
PM Modi | దేశం పేదరికాన్ని జయించింది.. ఫిక్కీ వార్షిక సమావేశంలో ప్రధాని మోదీ..!
Ram Pothineni | మెన్స్ డే స్పెషల్.. ‘RAPO23’ ప్రీ-లుక్ వైరల్!
‘పల్లె దవాఖానాలో ఎంబీబీఎస్ వైద్యుడిని ఏర్పాటు చేయాలి’
KTR | బీఆర్సోళ్లు ఎక్కడున్నరంటూ టార్చ్లైట్ వేసుకుని వస్తరు : కేటీఆర్
TVK Workers Open Channel Gates | రీల్ కోసం కాలువ గేట్లు తెరిచిన టీవీకే కార్యకర్తలు.. మండిపడిన ప్రతిపక్షాలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

