18న రాష్ట్ర బంద్‌కు సిద్ధంకావాలి.. బీసీ జేఏసీ కో చైర్మన్‌ దాసు సురేశ్‌

42 శాతం బీసీ రిజర్వేషన్ల అమలు కోసం ఈనెల 18న నిర్వహించ తలపెట్టిన రాష్ట్ర వ్యాప్త బంద్‌కు సిద్ధం కావాలని రాష్ట్ర ప్రజలకు బీసీ జేఏసీ కో చైర్మన్‌ దాసు సురేశ్‌ మంగళవారం ఒక ప్రకటనలో పిలుపునిచ్చారు.

• నేడు, రేపు బీసీల ‘చాయ్‌తో చర్చ’

హైదరాబాద్‌, అక్టోబర్‌ 14 (నమస్తే తెలంగాణ): 42 శాతం బీసీ రిజర్వేషన్ల అమలు కోసం ఈనెల 18న నిర్వహించ తలపెట్టిన రాష్ట్ర వ్యాప్త బంద్‌కు సిద్ధం కావాలని రాష్ట్ర ప్రజలకు బీసీ జేఏసీ కో చైర్మన్‌ దాసు సురేశ్‌ మంగళవారం ఒక ప్రకటనలో పిలుపునిచ్చారు.

ఈ నెల 15, 16 తేదీల్లో రాష్ట్రంలోని అన్ని గ్రామాలు, మండలాలు, నియోజకవర్గాలు, జిల్లా కేంద్రాల్లో రెండురోజుల పాటు 42 శాతం రిజర్వేషన్ల సాధన కోసం ‘చాయ్‌తో చర్చ’ కార్యక్రమం నిర్వహించాలని బీసీ నేతలకు సూచించారు.