నేల ఆరోగ్యంపై స్వచ్ఛంద సేవకులకు శిక్షణ.. అల్దాస్‌ జానయ్య

వ్యవసాయశాఖ సహకారంతో వచ్చే రెండు నెలల్లో ప్రతి రెవెన్యూ గ్రామం నుంచి ఇద్దరు లేదా ముగ్గురికి నేల ఆరోగ్యంపై స్వచ్ఛంద సేవకులకు శిక్షణ ఇవ్వనున్నట్టు వ్యవసాయ వర్సిటీ ఉపకులపతి అల్దాస్‌ జానయ్య తెలిపారు.

హైదరాబాద్‌, మార్చి 23 (నమస్తే తెలంగాణ): వ్యవసాయశాఖ సహకారంతో వచ్చే రెండు నెలల్లో ప్రతి రెవెన్యూ గ్రామం నుంచి ఇద్దరు లేదా ముగ్గురికి నేల ఆరోగ్యంపై స్వచ్ఛంద సేవకులకు శిక్షణ ఇవ్వనున్నట్టు వ్యవసాయ వర్సిటీ ఉపకులపతి అల్దాస్‌ జానయ్య తెలిపారు. సోమవారం వర్సిటీ పాలకమండలి చివరి సమావేశాన్ని నిర్వహించారు.

ఈ సందర్భంగా జానయ్య మాట్లాడుతూ.. ఈ సమావేశంలో వచ్చే ఆర్థిక సంవత్సరం వార్షిక బడ్జెట్‌ ఆమోదంతో పాటు కొన్ని కీలక నిర్ణయాలు తీసుకున్నట్టు తెలిపారు. పీజేటీఏయూ పరిధిలోని 31 రైతు విజ్ఞాన కేంద్రాలు,15 పరిశోధనా సంస్థల్లో ఈ శిక్షణ ఇవ్వనున్నట్టు వివరించారు. ‘రైతు ముంగిట్లో శాస్త్రవేత్తలు’ కార్యక్రమాన్ని ఏప్రిల్‌ 27 నుంచి మే 25 వరకు నిర్వహిస్తామని జానయ్య వెల్లడించారు. దాదాపు 200 బృందాలు సుమారు 1,600 గ్రామాల్లో పర్యటించనున్నట్టు ఆయన తెలిపారు.