Crop Loan Waiver | రైతు రుణమాఫీ.. రెండు రోజుల్లో 94,097 మందికి లబ్ధి

Crop Loan Waiver | రైతు రుణమాఫీ ప్రక్రియలో భాగంగా రెండోరోజైన శుక్రవారం 31,339 మంది రైతు కుటుంబాలకు లబ్ధి చేకూరింది. రూ.41 వేల నుంచి రూ.43 వేల మధ్య రుణాలు కలిగిన రైతులకు రాష్ట్ర ప్రభుత్వం రూ.126.50 కోట్ల రుణాలను మాఫీ చేసింది.

August 5, 2023 / 07:20 AM IST

Crop Loan Waiver | రైతు రుణమాఫీ.. రెండు రోజుల్లో 94,097 మందికి లబ్ధి

Crop Loan Waiver | హైదరాబాద్‌, ఆగస్టు 4(నమస్తే తెలంగాణ): రైతు రుణమాఫీ ప్రక్రియలో భాగంగా రెండోరోజైన శుక్రవారం 31,339 మంది రైతు కుటుంబాలకు లబ్ధి చేకూరింది. రూ.41 వేల నుంచి రూ.43 వేల మధ్య రుణాలు కలిగిన రైతులకు రాష్ట్ర ప్రభుత్వం రూ.126.50 కోట్ల రుణాలను మాఫీ చేసింది. తొలిరోజు రూ.41 వేల వరకు గల 62,758 మంది రైతులకు రూ.237.85 కోట్లను ప్రభుత్వం మాఫీ చేసింది. దీంతో ఇప్పటివరకు మొత్తంగా 94,097 మంది రైతులకు చెందిన రూ.364.34 కోట్లకు రుణ విముక్తి కలిగింది.

Cm Kcr Flexi

సెప్టెంబర్‌ రెండోవారంలోగా మొత్తం రుణమాఫీ చేసేలా ప్రభుత్వం చర్యలు తీసుకుంటున్నది. దీనికోసం నిధుల కొరత లేకుండా ప్రభుత్వం చర్యలు తీసుకున్నది. ఇప్పటికే సీఎం కేసీఆర్‌ ఆదేశాల మేరకు గురువారం రూ.18,241 కోట్లను విడుదల చేస్తూ ఉత్తర్వులు జారీ చేసింది. వరుసగా రుణమాఫీ అవుతుండటంతో రైతులు ఆనందంలో మునిగి తేలుతున్నారు. తమను రుణ విముక్తుల్ని చేస్తున్న ప్రభుత్వానికి కృతజ్ఞతలు తెలుపుతున్నారు.