‘మొండి వైఖరి వీడాలి’

పరీక్షలపై ఆందోళన చేస్తున్న నిరుద్యోగులతో చర్చలు చేయకూడదనే నియంతృత్వ వైఖరిని రాష్ట్ర ప్రభుత్వం వెంటనే విడనాడాలని తెలంగాణ విద్యా పరిరక్షణ కమిటీ అధ్యక్షుడు ప్రొఫెసర్‌ చక్రధరరావు, కార్యదర్శులు ప్రొఫెసర్‌ హరగోపాల్‌, ప్రొఫెసర్‌ లక్ష్మీనారాయణ అన్నారు.

హైదరాబాద్‌, జూలై 15 (నమస్తే తెలంగాణ): పరీక్షలపై ఆందోళన చేస్తున్న నిరుద్యోగులతో చర్చలు చేయకూడదనే నియంతృత్వ వైఖరిని రాష్ట్ర ప్రభుత్వం వెంటనే విడనాడాలని తెలంగాణ విద్యా పరిరక్షణ కమిటీ అధ్యక్షుడు ప్రొఫెసర్‌ చక్రధరరావు, కార్యదర్శులు ప్రొఫెసర్‌ హరగోపాల్‌, ప్రొఫెసర్‌ లక్ష్మీనారాయణ అన్నారు. సోమవారం వారు ఒక ప్రకటన విడుదల చేశారు.

నిరుద్యోగులు తమ డిమాండ్లపై పోరాటం చేస్తున్నా రేవంత్‌రెడ్డి ప్రభుత్వం చర్చలకు పిలవకపోవడం గర్హనీయమని అభిప్రాయపడ్డారు. ఉద్యమంలో ప్రతిపక్ష పార్టీలు ఉన్నాయనే పేరుతో నిరుద్యోగులను అరెస్టు చేయడం, బారికేళ్లు, ముళ్లకంచెలు ఏర్పాటు చేసి నిర్భందాన్ని ప్రయోగించడం నియంత్రత్వ ప్రభుత్వ లక్షణం అన్నారు. ప్రభుత్వం నిరుద్యోగులతో చర్చలు జరుపాలని, పరీక్షల వాయిదా విషయాన్ని పరిశీలించాలని తెలంగాణ విద్యా పరిరక్షణ కమిటీ డిమాండ్‌ చేసింది.