బాలికలకు సెల్ఫ్‌ డిఫెన్స్‌

సర్కారీ బడుల్లో చదువుతున్న బాలికల భద్రతకు పాఠశాల విద్యాశాఖ చర్యలు చేపట్టింది. బాలికల్లో ఆత్మైస్థెర్యాన్ని నింపేందుకు, ప్రతికూల పరిస్థితులను ఎదుర్కొనేందుకు సెల్ఫ్‌ డిఫెన్స్‌ టెక్నిక్స్‌ను నేర్పించేందుకు సిద్ధమైంది. ఇందుకు రాష్ట్రవ్యాప్తంగా 4,066 బడులను ఎంపికచేసింది.

• ఈ నెల నుంచే ప్రత్యేక శిక్షణ
• 4,066 ప్రభుత్వ స్కూళ్లలో డిసెంబర్‌ వరకు నిర్వహణ
• ఆత్మరక్షణ టెక్నిక్స్‌పై విద్యార్థినులకు అవగాహన
• రూ. 6.09కోట్లు విడుదల చేసిన రాష్ట్ర విద్యాశాఖ

హైదరాబాద్‌, అక్టోబర్‌ 10 (నమస్తే తెలంగాణ) : సర్కారీ బడుల్లో చదువుతున్న బాలికల భద్రతకు పాఠశాల విద్యాశాఖ చర్యలు చేపట్టింది. బాలికల్లో ఆత్మైస్థెర్యాన్ని నింపేందుకు, ప్రతికూల పరిస్థితులను ఎదుర్కొనేందుకు సెల్ఫ్‌ డిఫెన్స్‌ టెక్నిక్స్‌ను నేర్పించేందుకు సిద్ధమైంది. ఇందుకు రాష్ట్రవ్యాప్తంగా 4,066 బడులను ఎంపికచేసింది. మూడు నెలల పాటు ఇవ్వనున్న ఈ శిక్షణ ఈ నెల నుంచే ప్రారంభంకానున్నది. ఇందుకు రూ. 6.09 కోట్ల నిధులను కూడా విద్యాశాఖ మంజూరు చేసింది.

శిక్షణలో భాగంగా ఆపదలో తమను తాము రక్షించుకొనేందుకు బాలికలకు ఆత్మరక్షణ టెక్నిక్స్‌ నేర్పిస్తారు. కుంగ్‌ ఫూ, కరాటే, జూడో లాంటి మార్షల్‌ ఆర్ట్స్‌తోపాటు, పౌష్టికాహారం, వ్యక్తిగత పరిశుభ్రత తదితర అంశాలపై బాలికలకు ప్రత్యేక అవగాహన కల్పిస్తారు. జిల్లా క్రీడల అభివృద్ధి సంస్థ సహకారాన్ని తీసుకొని.. అర్హతలున్న మహిళా ట్రైనర్లనే శిక్షకులుగా నియమిస్తారు.

మార్గదర్శకాలు..

• వారంలో మూడు రోజుల పాటు సెల్ఫ్‌ డిఫెన్స్‌ తరగతులుంటాయి.
• ట్రైనర్లకు నెలకు రూ. 5వేల చొప్పున పారితోషికం అందజేస్తారు.
• శిక్షకుల ఎంపికలో మహిళాట్రైనర్లకే ప్రాధాన్యం ఉంటుంది. మహిళా ట్రైనర్లు లేని పక్షంలో పురుషులను ఎంపికచేస్తారు.
• సెల్ఫ్‌డిఫెన్స్‌ శిక్షణ పాఠశాల సమయాల్లోనే ఉంటుంది. హెచ్‌ఎంలు సమయసారిణి తయారుచేసుకోవాలి.
• శిక్షణను పీఈటీలు/పీడీలు పర్యవేక్షిస్తారు.