పదేండ్ల పాలన ప్రగతి శిఖరాగ్రాన!

ప్రతి పథకం ఒక చరిత్ర. ప్రతి అడుగు ఒక విప్లవం. ప్రతి నిర్ణయం ఒక సంచలనం. దేశంలో 29వ రాష్ట్రంగా పురిట్లోనే ఎన్నో సవాళ్లను ఎదుర్కొన్న తెలంగాణ.. కేసీఆర్‌ సర్కారు పాలనలో సమ్మిళితాభివృద్ధిని సాధించింది.

• కేసీఆర్‌ పాలన.. తెలంగాణ ఖ్యాతి శిఖరాన!
• పెద్ద రాష్ర్టాలతో పోటీపడ్డ స్వర్ణయుగం
• ఇక్కడి పథకాలను కాపీ కొట్టిన కేంద్రం
• సంక్షేమం, అభివృద్ధి పోటా పోటీ
• సక్సెస్‌కు మారుపేరుగా తెలంగాణ

అరవై ఏండ్లు సమస్త రంగాల్లోనూ ధ్వంసమైన తెలంగాణ.. పదేండ్లలో సమ్మిళిత ప్రగతితో మెరవడమే.. కేసీఆర్‌ చేసి చూపించిన తెలంగాణ మాడల్‌! ప్రజా సంక్షేమం, ప్రగతి జోడెడ్లలా సాగడమే తెలంగాణ మాడల్‌! అత్యంత పిన్నవయసు రాష్ట్రమైనా.. అనేక రంగాల్లో దేశంలోనే నంబర్‌వన్‌గా నిలవడం, పెద్ద రాష్ర్టాలే కాదు, కేంద్ర ప్రభుత్వమూ పలు పథకాలను పేరుమార్చి అమలు చేయడం కండ్లారా చూశాం. అదీ అసలైన రైజింగ్‌! ‘గుజరాత్‌ మాడల్‌’ను సాధిస్తామంటూ బయల్దేరినవాళ్లకు ‘తెలంగాణ మాడల్‌’ విలువ తెలుసా?దటీజ్‌ తెలంగాణ మాడల్‌..!

(స్పెషల్‌ టాస్క్‌ బ్యూరో, నమస్తే తెలంగాణ) ; ప్రతి పథకం ఒక చరిత్ర. ప్రతి అడుగు ఒక విప్లవం. ప్రతి నిర్ణయం ఒక సంచలనం. దేశంలో 29వ రాష్ట్రంగా పురిట్లోనే ఎన్నో సవాళ్లను ఎదుర్కొన్న తెలంగాణ.. కేసీఆర్‌ సర్కారు పాలనలో సమ్మిళితాభివృద్ధిని సాధించింది. దేశం అసాధ్యం అనుకొన్న ప్రతి పనినీ తొమ్మిదిన్నరేండ్లలో చేసి చూపించింది. పౌరుల ఆదాయం, కంపెనీల పెట్టుబడులు, ఉద్యోగాలు, విద్యుత్తు, వ్యవసాయం, సంక్షేమం.. ఇలా పది అంశాల్లో దశాబ్దాలుగా పెద్ద రాష్ర్టాలు సాధించలేని ఎన్నో ఘనతలను సాధించింది. అందుకే నీతిఆయోగ్‌ వంటి మేధోసంస్థలతోపాటు ప్రముఖుల చేత ‘తెలంగాణ మాడల్‌ సక్సెస్‌’ అంటూ నీరాజనాలు అందుకొన్నది.

• తలసరి ఆదాయం: పౌరుల తలసరి ఆదాయాన్ని, ఉత్పాదకత రాష్ర్టాభివృద్ధికి కొలమానం. కేసీఆర్‌ పాలనలో తలసరిలో 2014-15లో రూ.1,24,104 ఉంటే, 2023-24నాటికి 3,47,299కి ఎగబాకింది. అంతేకాదు, కేసీఆర్‌ హయాంలో దేశ తలసరి ఆదాయం కంటే, తెలంగాణలోని 30 జిల్లాల తలసరి ఎంతో ఎక్కువ.
• జీఎస్డీపీ: ఒక రాష్ట్ర ప్రగతికి జీఎస్డీపీనే ప్రా మాణికం. దేశ జనాభాలో 2.9% వాటా మాత్ర మే కలిగిన తెలంగాణ.. జీఎస్డీపీలో మాత్రం 5% వాటా కలిగి ఉన్నది. కేసీఆర్‌ విప్లవాత్మక నిర్ణయాలే దీనికి కారణం. 2014-15లో రూ.5.05 లక్షల కోట్లు ఉంటే, 2023-24నాటికి రూ.14.49 లక్షల కోట్లకు ఎగబాకింది. బీఆర్‌ఎస్‌ పాలనలో జీఎస్డీపీ మూడు రెట్లు పెరిగింది.
• ఎవుసం.. సంబురం: తినడానికి సరిపడా పంట పండితే చాలు అనుకొన్న ఒకప్పటి తెలంగాణ.. కేసీఆర్‌ పాలనలో దేశానికే అన్నంపెట్టే స్థా యికి ఎదిగింది. 2014లో 68లక్షల టన్నుల ధా న్యం ఉత్పత్తయితే, 2023 నాటికి 2.6 కోట్ల ట న్నులకు చేరింది. సాగు విస్తీర్ణం 2.5 కోట్ల ఎకరాలకు పెరిగింది. ఇది దేశంలోనే రికార్డు. కాళేశ్వ రం, మిషన్‌ కాకతీయ కార్యక్రమాలతో రా ష్ట్రం లో భూగర్భజల స్థాయి అమాంతం పెరిగింది.
• రైతుబంధు: పంటకు పెట్టుబడి సాయం అందిస్తే, రైతుకు ఆర్థిక కష్టాలు ఉండబోవని, అన్నదాతల ఆత్మహత్యలు తగ్గి.. పంట దిగుబడి పెరుగుతుందని కేసీఆర్‌ ప్రభుత్వం భావించింది. ఈ క్రమంలోనే ‘రైతుబంధు’కు శ్రీకారం చుట్టిం ది. ఎకరాకు రూ.10వేల పెట్టుబడి సాయం అందించింది. ప్రజాదరణ పొందిన ఈ పథకాన్ని కేంద్ర ప్రభుత్వం ‘పీఎం కిసాన్‌ సమ్మాన్‌’ నిధిని ప్రారంభించింది. రుణమాఫీ, రైతుబీమా పథకాలు అన్నదాతలను ఎంతో ఆదుకొన్నాయి.
• వెలుగు జిలుగులు: సమైక్యపాలనలో కరెంటు కష్టాలు ఎదుర్కొన్న తెలంగాణ బిడ్డలకు ప్రత్యేక రాష్ట్రం వచ్చిన ఆరంటే ఆరు నెలల్లోనే ని రంతరాయ కరెంటు అందించి కేసీఆర్‌ సర్కారు మరో రికార్డు నెలకొల్పింది. గృహ, వాణిజ్య, పా రిశ్రామికరంగాలకూ 24గంటలు సరఫరా చేసిం ది. దీనికోసం 2014లో 7,778 మెగావాట్లుగా ఉన్న స్థాపిత విద్యుత్తు సామర్థ్యాన్ని, 2023నాటికి 19,464 మెగావాట్లకు పెంచింది. 2014లో 1,196 యూనిట్లుగా ఉన్న తలసరి వినియోగం.. 2,166 యూనిట్లకు ఎగబాకింది.
• సురక్షిత తాగునీరు: ప్రజలకు రక్షిత తాగునీరందించాలని కేసీఆర్‌ ప్రభుత్వం ‘మిషన్‌ భగీరథ’ పేరిట విప్లవాత్మక కార్యక్రమం తీసుకొచ్చిం ది. అన్ని జిల్లాల్లో 26 సెగ్మెంట్లలో 1.5 లక్షల కిలోమీటర్ల పైప్‌లైన్లు వేసి ఇంటింటికీ నల్లా కనెక్షన్లు ఇచ్చింది. ప్రతిఒక్కరికీ రోజూ 150-200 లీటర్ల శుద్ధనీటి జలాన్ని సరఫరా చేసింది. దీంతో రోగాలబారినపడే వారి సంఖ్య తగ్గింది. ఈ స్కీమ్‌ను కేంద్ర కాపీ కొట్టి ‘జల్‌జీవన్‌’ తెచ్చింది.
• పరిశ్రమలకు ఊతం: పారిశ్రామికాభివృద్ధితోనే తెలంగాణ ఆర్థిక ప్రగతి సాధ్యమని గ్రహించిన కేసీఆర్‌.. 2015లో టీఎస్‌ఐపాస్‌ పేరిట ప్రపంచంలోనే అత్యుత్తమ పారిశ్రామిక విధానాన్ని తీసుకొచ్చారు. దీంతో తొమ్మిదిన్నరేండ్ల లోనే 23 వేలకుపైగా కొత్త పరిశ్రమలు ఏర్పాటయ్యాయి. 23 లక్షల మందికి పరిశ్రమల్లో కొత్తగా ఉపాధి అవకాశాలు వచ్చాయి.
• ఐటీ జిగేల్‌: కేసీఆర్‌ పాలనలో తెలంగాణ ఐటీ కొత్త శిఖరాలకు చేరింది. 2014లో రూ.66 వేల కోట్లుగా ఉన్న ఎగుమతులు.. 2023కి రూ.3 లక్షల కోట్లకు చేరాయి. 3.7 లక్షలుగా ఉన్న ఉద్యోగాలు.. 9.5 లక్షలకు ఎగబాకాయి. టాప్‌ కంపెనీలకు హైదరాబాద్‌ కేరాఫ్‌గా మా రిం ది. దేశంలో ప్రతి మూడు కొత్త ఐటీ ఉద్యోగాల్లో ఒకటి తెలంగాణ నుంచే ఉన్నదంటే.. ఐటీ పరుగులు ఏ స్థాయిలో ఉండేవో అర్థం చేసుకోవచ్చు.
• భరోసాకు కేరాఫ్‌: కేసీఆర్‌ పాలనలో సంక్షేమం, ప్రభుత్వోద్యోగాల కల్పనకు అమిత ప్రాధాన్యం దక్కింది. వృద్ధులు, దివ్యాంగులకు పెన్షన్లు పెంచింది. కల్యాణలక్ష్మి పేరిట పేదింటి ఆడబిడ్డకు ఆర్థిక సాయం అందించింది. ప్రజల చెంతకే పరిపాలన అందించేందుకు 33 కొత్త జిల్లాలను ఏర్పాటుచేసి సమీకృత కలెక్టరేట్లు, పో లీసు కార్యాలయాలు నిర్మించింది. వెనుకబడిన వర్గాలకు 350కిపైగా సంక్షేమ పథకాలు అమల్లోకి తెచ్చింది. తొమ్మిదిన్నరేండ్లలో 2.32 లక్షల ప్రభుత్వ ఉద్యోగాల భర్తీకి పూనుకొన్నది.
• దేశమే అనుసరించేలా: కేసీఆర్‌ ప్రభు త్వం తీసుకొచ్చిన పలు పథకాలను కేంద్ర ప్రభుత్వమే కాకుండా వివిధ రాష్ట్ర ప్రభుత్వాలు కూడా ఫాలో అయ్యాయి. రైతుబంధు పథకాన్ని ఆదర్శంగా తీసుకొని కేంద్రం ‘పీఎం కిసాన్‌ సమ్మాన్‌’ నిధిని ప్రారంభించింది. ఒడిశా కూడా కాలియా పేరుతో ఈ స్కీమ్‌ను కొనసాగిస్తున్నది. మిషన్‌ భగీరథ స్కీమ్‌ను కాపీకొట్టిన కేంద్ర ప్రభుత్వం ‘జల్‌జీవన్‌’ స్కీమ్‌ను తీసుకొచ్చింది. మధ్యప్రదేశ్‌ కూడా హర్‌ఘర్‌ నల్‌-హర్‌ఘర్‌ జల్‌ స్కీమ్‌ తెచ్చింది. కేసీఆర్‌ సర్కారు తీసుకొచ్చిన మిషన్‌ కాకతీయ, కల్యాణలక్ష్మి, రుణమాఫీ, టీ-హబ్‌, అన్నపూర్ణ, టీఎస్‌ఐపాస్‌ను కూడా పలు రాష్ర్టా లు ఇప్పటికే అనుసరిస్తున్నాయి.