చేతగాని బండీ.. కోతలు ఆపు!

బీజేపోళ్లు మందికి పుట్టిన బిడ్డలను మా బిడ్డలని ముద్దాడుతరు’ అని సీఎం కేసీఆర్‌ ఓ సందర్భంలో చేసిన వ్యాఖ్యను బీజేపీ నేతలు పదేపదే నిజం చేస్తున్నారు. రాష్ట్రంలో బీజేపీ చేసిన పాపాన్ని కడిగేందుకు.. వరి రైతులను ఆదుకునేందుకు రాష్ట్ర ప్రభుత్వం కొనుగోలు కేంద్రాలను ఏర్పాటు చేస్తున్నట్టు సీఎం కేసీఆర్‌ ప్రకటించిన సంగతి తెలిసిందే.

• రైతుల కోసం ధాన్యం కొనుగోలుకు ముందుకొచ్చిన రాష్ట్ర ప్రభుత్వం
• నిస్సిగ్గుగా తమ విజయమన్న బీజేపీ నేత
• ప్రైస్‌గ్యాప్‌పై కేంద్రం నుంచి హామీ ఎందుకు ఇప్పించలేదని రైతుల ప్రశ్న

హైదరాబాద్‌, ఏప్రిల్‌ 12 (నమస్తే తెలంగాణ): ‘బీజేపోళ్లు మందికి పుట్టిన బిడ్డలను మా బిడ్డలని ముద్దాడుతరు’ అని సీఎం కేసీఆర్‌ ఓ సందర్భంలో చేసిన వ్యాఖ్యను బీజేపీ నేతలు పదేపదే నిజం చేస్తున్నారు. రాష్ట్రంలో బీజేపీ చేసిన పాపాన్ని కడిగేందుకు.. వరి రైతులను ఆదుకునేందుకు రాష్ట్ర ప్రభుత్వం కొనుగోలు కేంద్రాలను ఏర్పాటు చేస్తున్నట్టు సీఎం కేసీఆర్‌ ప్రకటించిన సంగతి తెలిసిందే. వెంటనే బీజేపీ రాష్ట్ర అధ్యక్షుడు బండి సంజయ్‌ ప్రెస్‌మీట్‌ పెట్టి ‘ఇది బీజేపీ విజయం’ అని ప్రకటించేసుకున్నారు. బీజేపీకి చేతగాక, రైతులను ఆదుకోలేక కేంద్రం చేతులెత్తేస్తేనే ముఖ్యమంత్రి ఈ నిర్ణయం తీసుకున్నారని రైతులు అంటున్నారు. బండి సంజయ్‌కి వారు కొన్ని ప్రశ్నలకు సంధిస్తున్నారు. సమాధానం చెప్పాలని డిమాండ్‌ చేస్తున్నారు.

• తెలంగాణ రైతులు, ప్రభుత్వం మొదటి నుంచీ బాయిల్డ్‌ రైస్‌ కొనాలని లేదా నేరుగా వడ్లు కొనుగోలు చేసి వాటిని ఇష్టం వచ్చినట్టు మార్చుకోవాలని డిమాండ్‌ చేస్తున్నారు. మరి కేంద్రం ఆ పనిచేసిందా?
• యాసంగి వడ్లను ముడి బియ్యం పట్టిస్తే రూ.వేల కోట్ల నష్టం వాటిల్లుతుందని రాష్ట్ర ప్రభుత్వం చెప్తున్నది. మరి.. ఈ నష్టాన్ని భరించేందుకు కేంద్రం ముందుకొచ్చిందా?
• దేశమంతటా ఒకే ధాన్య సేకరణ విధానం ఉండాలని తెలంగాణ డిమాండ్‌ చేస్తున్నది. కేంద్రం దానిని అమలు చేసిందా?
• బీజేపీకి రైతులపై నిజంగా ప్రేమ ఉంటే.. వివాదం మొదలైన వెంటనే ముడిబియ్యం పట్టిస్తే వచ్చే నష్టాలపై, ప్రైస్‌గ్యాప్‌పై చర్చించి సానుకూల నిర్ణయం తీసుకోవాలి. కేంద్రం ఆ పని చేసిందా?
  బండి సంజయ్‌ ఈ ప్రశ్నలకు సమాధానం చెప్పిన తర్వాతే విజయం మాదేనని ప్రకటించుకోవాలని రైతులు డిమాండ్‌ చేస్తున్నారు. పైగా బండి సంజయ్‌ ప్రైస్‌గ్యాప్‌ రూ.350 కోట్లు మాత్రమే ఉంటుందంటూ వెకిలి వ్యాఖ్యలు చేశారని మండిపడుతున్నారు. అదే పార్టీకి చెందిన ఎంపీ ధర్మపురి అర్వింద్‌ రూ.1000-1500 కోట్లు అవుతుందని పదేపదే వ్యాఖ్యానించారని గుర్తు చేస్తున్నారు. రైతులకు కలిగే నష్టంపై కనీస అవగాహన లేకుండా మాట్లాడటం మానుకోవాలని సూచిస్తున్నారు.