Telangana CMO | సీఎంవో వాట్సాప్‌ ఛానెల్‌ ప్రారంభం

Telangana CMO | తెలంగాణ ప్రభుత్వం, ప్రజలకు ఎప్పటికప్పుడు అధికారిక సమాచారం, సేవలను చేరవేయడానికి అధునాతన సాంకేతిక మాధ్యమాలను, వేదికలను ఉపయోగించుకుంటున్నది. ఇదే కోవలో తెలంగాణ ముఖ్యమంత్రి కార్యాలయ (సీఎంవో) ‘వాట్సాప్‌ ఛానెల్’ను ప్రారంభించారు.

Telangana CMO | తెలంగాణ ప్రభుత్వం, ప్రజలకు ఎప్పటికప్పుడు అధికారిక సమాచారం, సేవలను చేరవేయడానికి అధునాతన సాంకేతిక మాధ్యమాలను, వేదికలను ఉపయోగించుకుంటున్నది. ఇదే కోవలో తెలంగాణ ముఖ్యమంత్రి కార్యాలయ (సీఎంవో) ‘వాట్సాప్‌ ఛానెల్’ను ప్రారంభించారు. ఈ ఛానెల్‌ ద్వారా ప్రభుత్వం సీఎంవో నుంచి వెలువడే ప్రకటనలను పౌరులకు చెరవేస్తుంది. ఇందుకోసం ముఖ్యమంత్రి కార్యాలయ వాట్సాప్‌ ఛానల్‌ను (Telangana CMO) వినియోగించుకోవడం ద్వారా సీఎం కేసీఆర్‌ వార్తలను ప్రజలు ఎప్పటికప్పుడు తెలుసుకునే వీలుంటుంది.

ఛానెల్‌ ఎలా ఫాలో కావాలంటే..

మొదట వాట్సాప్‌ ఓపెన్‌ చేయాలి. ఆ తర్వాత మొబైల్‌లో అయితే Updates బటన్‌ను క్లిక్‌ చేస్తే ఛానెల్స్‌ ట్యాబ్‌ కనిపిస్తుంది. ఇందులో ప్లస్‌ బటన్‌పై క్లిక్‌ చేసి Find Channels సెలెక్ట్‌ చేయాలి. సెర్చ్‌ బాక్స్‌లో Telangana CMO అని టైపు చేసి జాబితా నుంచి ఛానెల్‌ను ఎంచుకోవాలి. ఛానల్‌ పేరు పక్కనే ఒక ఆకుపచ్చని టిక్‌ మార్క్‌ కనిపిస్తుందో లేదో చూసుకోవాలి. ఆ తర్వాత ఫాలో బటన్‌ను క్లిక్‌ చేసి.. తెలంగాణ సీఎంఓ ఛానల్‌లో చేరవచ్చు. సీఎంవో పంపే ప్రకటనలను నేరుగా వాట్సాప్‌లోనే చూడాలి. ‘తెలంగాణ సీఎంవో వాట్సాప్‌ చానెల్’ ముఖ్యమంత్రి ప్రజా సంబంధాల అధికారి కార్యాలయం (CM PRO) సమన్వయంతో ఐటీశాఖకు చెందిన డిజిటల్‌ మీడియా విభాగం నిర్వహిస్తున్నది.