బాబు క్వాష్ పిటిషన్ విచారణ వాయిదా
స్కిల్ డెవలప్మెంట్ కుంభకోణంలో అరెస్టయి రాజమండ్రి సెంట్రల్ జైలులో రిమాండ్ ఖైదీగా ఉన్న టీడీపీ అధినేత చంద్రబాబు తనపై నమోదైన కేసులను కొట్టివేయాలని కోరుతూ దాఖలు చేసిన క్వాష్ పిటిషన్పై విచారణను సుప్రీంకోర్టు వచ్చే సోమవారానికి వాయిదా వేసింది. క్వాష్ పిటిషన్ను ఏపీ హైకోర్టు తోసిపుచ్చడాన్ని సవాలు చేస్తూ ఆయన సుప్రీంకోర్టుకు వెళ్లిన సంగతి తెలిసిందే.
హైదరాబాద్, అక్టోబర్ 3 (నమస్తే తెలంగాణ): స్కిల్ డెవలప్మెంట్ కుంభకోణంలో అరెస్టయి రాజమండ్రి సెంట్రల్ జైలులో రిమాండ్ ఖైదీగా ఉన్న టీడీపీ అధినేత చంద్రబాబు తనపై నమోదైన కేసులను కొట్టివేయాలని కోరుతూ దాఖలు చేసిన క్వాష్ పిటిషన్పై విచారణను సుప్రీంకోర్టు వచ్చే సోమవారానికి వాయిదా వేసింది. క్వాష్ పిటిషన్ను ఏపీ హైకోర్టు తోసిపుచ్చడాన్ని సవాలు చేస్తూ ఆయన సుప్రీంకోర్టుకు వెళ్లిన సంగతి తెలిసిందే.
జస్టిస్ అనిరుద్ధబోస్, జస్టిస్ బేలా త్రివేది ధర్మాసనం ముందు మంగళవారం ఉభయపక్షాలు తమ వాదనలు వినిపించాయి. రెండువైపులా వాదనలు విన్న ధర్మాసనం.. ఉభయపక్షాలు అఫిడవిట్లు సమర్పించాలని, ఈ కేసులో ఏపీ సీఐడీ ఆ రాష్ట్ర హైకోర్టుకు సమర్పించిన పత్రాలన్నింటినీ తమ కు కూడా అందజేయాలని ఆదేశించింది. ఇప్పటికిప్పు డు ఈ అంశాన్ని తేల్చలేమని పేర్కొంటూ విచారణను సోమవారానికి వాయిదా వేసింది. చంద్రబాబు పక్షాన సీనియర్ న్యాయవాదులు సిద్ధార్థ్ లూథ్రా, హరీశ్ సాల్వే, అభిషేక్ సింఘ్వీ వాదనలు వినిపించగా, సీఐడీ పక్షాన ముకుల్ రోహత్గీ వాదనలు వినిపించారు.
10న సీఐడీ ముందుకు లోకేశ్
అమరావతి ఇన్నర్రింగ్ రోడ్డు కేసులో టీడీపీ పార్టీ జాతీయ ప్రధాన కార్యదర్శి లోకేశ్ను ఈ నెల 10న సీఐడీ ముందు విచారణకు హాజరు కావాలని ఏపీ హైకోర్టు ఆదేశాలు జారీచేసింది. ఈ కేసులో లోకేశ్ దాఖలు చేసిన లంచ్ మోషన్ పిటిషన్పై మంగళవారం హైకోర్టులో విచారణ జరిగింది. సీఐడీ ఇచ్చిన 41ఏ నోటీసులోని నిబంధనలపై అభ్యంతరం వ్యక్తం చేస్తూ లోకేశ్ పిటిషన్ దాఖలు చేశారు. లోకేశ్ తరఫున పోసాని వెంకటేశ్వర్లు వాదనలు వినిపిస్తూ.. హెరిటేజ్ సంస్థలో లోకేశ్ షేర్ హోల్డర్ అని, ఆయనకు తీర్మానాలు ఇవ్వాలన్నా, బ్యాంకు ఖాతా పుస్తకాలు ఇవ్వాలన్నా కంపెనీ ప్రొసీజర్ ఉంటుందని వివరించారు. తాము డాక్యుమెంట్లపై ఒత్తిడి చేయబోమని, బుధవారమే విచారణకు హాజరు కావాలని సీఐడీ తరఫు న్యాయవాదులు కోరారు. ఇరువర్గాల వాదనలు విన్న ధర్మాసనం అక్టోబర్ 10న సీఐడీ విచారణకు లోకేశ్ హాజరు కావాలని ఆదేశాలు జారీ చేసింది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

