75,450 కోట్లతో గిరిజన సమగ్రాభివృద్ధి

పోరాడి సాధించుకున్న స్వరాష్ట్రంలో సబ్బండ వర్ణాల సమగ్ర అభివృద్ధికి నిష్పక్షపాతంగా కృషిచేస్తున్న రాష్ట్ర ప్రభుత్వం ఆదివాసీ గిరిజనులకు సైతం భారీ స్థాయిలో నిధులు కేటాయించింది.

• 3146 తండాలు, గూడేలు పంచాయతీలుగా మార్పు
• పల్లెప్రగతితో మెరుస్తున్న గిరిజన ఆవాసాలు
• విద్యార్థుల కోసం 92 గురుకులాలు

హైదరాబాద్‌, సెప్టెంబర్‌ 30 (నమస్తే తెలంగాణ): పోరాడి సాధించుకున్న స్వరాష్ట్రంలో సబ్బండ వర్ణాల సమగ్ర అభివృద్ధికి నిష్పక్షపాతంగా కృషిచేస్తున్న రాష్ట్ర ప్రభుత్వం ఆదివాసీ గిరిజనులకు సైతం భారీ స్థాయిలో నిధులు కేటాయించింది. ఎన్నో దశాబ్దాల అణచివేతకు, ఆర్థికంగా వెనుకబాటుకు గురైన ఆదివాసీలు, గిరిజనులు, బంజారాలు ఇతర సామాజిక వర్గాలతో సమానంగా ఎదిగేందుకు విద్య, ఉద్యోగాలలో రిజర్వేషన్ల కోటాను పెంచింది. వారి సమగ్ర అభివృద్ధికి ప్రత్యేక నిధిని ఏర్పాటుచేసి రూ. 75,450 కోట్లు కేటాయించింది. ఇందు లో ఇప్పటివరకు రూ. 47,258 కోట్లను ఖర్చుచేసింది. గిరిజన గూడేలను, తండాలను గ్రామపంచాయతీలుగా గుర్తించాలని దశాబ్దాలుగా చేస్తున్న పోరాటానికి ప్రభుత్వం సానుకూలంగా స్పందించింది. రాష్ట్రంలోని 3,146 తండాలు, గూడేలకు గ్రామపంచాయతీ హోదా కల్పించిం ది. ఆ పంచాయతీల్లో రూ. 1,837.08 కోట్లతో పలు అభివృద్ధి కార్యక్రమాలను చేపట్టింది. గ్రామపంచాయతీ భవనాల నిర్మాణం కోసం రూ. 300 కోట్లు ఎస్టీఎస్డీఎఫ్‌ కింద ప్రత్యేక నిధులను ఈ సంవత్సరం కేటాయించింది.

ఆదివాసీ గిరిజనుల అభివృద్ధి కోసం ప్రభు త్వం తీసుకున్న ప్రత్యేక చర్యలు క్లుప్తంగా..

• పల్లెప్రగతిలో భాగంగా అన్ని ఎస్టీ గ్రామపంచాయతీలకు ట్రాక్టర్‌, ట్రాలీ, ట్యాంకర్లను సమకూర్చింది. పల్లె ప్రకృతివనాలు, డంపింగ్‌యార్డ్‌, వైకుంఠధామాలు సహా అధునాతన వసతులను కల్పించింది.
• రాష్ట్రంలోని 1,682 ఎస్టీ ఆవాసాలలో రూ. 1,276 కోట్లతో బీటీ రోడ్లు వేసింది. ఈ సంవత్సరం 2090 గిరిజన పల్లెల్లో రోడ్ల అభివృద్ధి కోసం రూ.1000 కోట్లు కేటాయించింది. అత్యంత వెనకబడిన ఆదివాసీ తెగలు నివసిస్తున్న గ్రామాల్లో అంతర్గత సీసీ రోడ్లు, మురుగునీటి పారుదల వ్యవస్థల నిర్మాణానికి ప్రత్యేక నిధుల కింద రూ. 133 కోట్లు కేటాయించింది.
• గిరిజన విద్యార్థుల కోసం దేశంలో ఎకడా లేనివిధంగా ప్రత్యేకంగా 92 గురుకుల విద్యాలయాలను నెలకొల్పింది. వీటిలో రెసిడెన్షియల్‌ డిగ్రీ కాలేజీలు, ఫైన్‌ ఆర్ట్స్‌ ్స కాలేజీలు, లా కాలేజీలు, సైనిక్‌ స్కూల్‌, కాలేజ్‌ ఆఫ్‌ ఎక్స్‌లెన్స్‌ సహా పలు విద్యా సంస్థలను నెలకొల్పింది. గురుకుల భవనాల నిర్మాణానికి రూ. 292 కోట్లు కేటాయించింది.
• గురుకులాల్లో శిక్షణ పొందిన 918 మంది ఎస్టీ విద్యార్థినీ విద్యార్థులు ఐఐటీ, ఎన్‌ఐటీ, ఐఐఐటీ వంటి ప్రతిష్ఠాత్మకమైన విద్యాసంస్థల్లో ప్రవేశాలు పొందారు. విదేశాల్లో ఉన్నత విద్యనభ్యసించాలనుకున్న 237 మంది ఎస్టీ విద్యార్థులకు ఒక్కొక్కరికి రూ.20 లక్షల చొప్పున రూ.33.49 కోట్లు అందజేసింది.
• గిరిజన ఆవాసాలకు మిషన్‌ భగీరథ ద్వారా రక్షిత తాగు నీటిని అందిస్తున్నది. ఏజెన్సీ ఏరియాల్లో విషజ్వర మరణాలు అరికట్టడంలో సఫలీకృతమైంది. ఎస్టీ మహిళలు 2,28,089 మంది రూ.151 కోట్ల విలువైన కేసీఆర్‌ కిట్లు పొందారు. గిరిజనుల్లో పౌష్టికాహార లోపాన్ని నివారించేందుకు ప్రత్యేకంగా గిరిపోషణ పథకాన్ని అమలుచేస్తున్నది. అంగన్‌వాడీ కేంద్రాల ద్వారా 821 ఆవాసాలలో పౌష్టికాహారాన్ని అందిస్తున్నది.
• ఆదివాసీ గిరిజనులు పారిశ్రామికవేత్తలుగా ఎదగాలనే లక్ష్యంతో ప్రభుత్వం సీఎంఎస్టీ ఎంటర్‌ప్రెన్యూర్‌షిప్‌ అండ్‌ ఇన్నొవేషన్‌ స్కీమ్‌ను ప్రవేశపెట్టింది. ఇండియన్‌ బిజినెస్‌ సూల్‌ (ఐఎస్‌బీ)లో ఈ పథకం కోసం ఎంపికైన అర్హులకు ఉచితంగా ప్రత్యేక శిక్షణ అందిస్తున్నది. ఇండస్ట్రియల్‌ యూనిట్లను నెలకొల్పేందుకు ఆర్థికంగా సాయం అందిస్తున్నది. ఈ పథకం ద్వారా ఇప్పటివరకు 162 మందికి లబ్ధి చేకూరింది. అలాగే డ్రైవర్‌ ఎంపవర్‌మెంట్‌ ప్రోగ్రాం రూరల్‌ ట్రాన్స్‌పోర్ట్‌ పథకం కింద సుమారు రూ. 101.50 కోట్లు వెచ్చించి 1424 మంది గిరిజన యువకులకు వాహనాలను సమకూర్చి ఉపాధి కల్పించింది.
• రైతుబంధు పథకంలో భాగంగా ఎస్టీ సామాజిక వర్గానికి చెందిన 8,23,780 మంది రైతులకు రూ. 7,354 కోట్ల పంట పెట్టుబడిని అందించింది. రైతు బీమా పథకం ద్వారా 4,93,720 మంది ఎస్టీ రైతులకు ప్రభుత్వమే రూ.611 కోట్ల ప్రీమియం చెల్లించి ఉచిత బీమా సదుపాయం కల్పించింది.
• ఆసరా పథకం ద్వారా 3,75,316 మంది గిరిజనులకు రూ. 4,286 కోట్ల పింఛన్‌ మొత్తాన్ని అందించింది. కల్యాణలక్ష్మి పథకం ద్వారా 1,36,730 మంది గిరిజన ఆడబిడ్డల పెండ్లిళ్ల కోసం రూ. 1,126.61 కోట్లను అందించింది.
• ఎస్టీల నివాస గృహాలకు 101 యూనిట్ల వరకు ఉచిత విద్యుత్తు అందిస్తున్నది. మా రుమూల ప్రాంతాల్లో ఉండే ఆదివాసీ గిరిజనుల వ్యవసాయానికి విద్యుత్తు సరఫరా కోసం రూ. 221 కోట్లు ఖర్చుచేసింది.

అధికారికంగా గిరిజన జాతరలు

ఆదివాసీ యోధుడు కుమ్రం భీం, బంజారాల ఆరాధ్య దైవం సేవాలాల్‌ మహారాజ్‌ల జయంతులను ప్రభుత్వం అధికారికంగా నిర్వహిస్తున్నది. మేడారం జాతరను అధికారికంగా నిర్వహిస్తున్నది. నాగోబా, జంగుబాయి, బరంపూర్‌, ఎరుకల నాంచారమ్మ, గాంధారి మైసమ్మ వంటి జాతరలను ప్రభుత్వమే నిర్వహిస్తున్నది. ఇందుకోసం రూ. 354 కోట్లు ఖర్చు చేసింది. ఆదివాసీ హకుల కోసం పోరాడిన కుమ్రం భీం స్మారక కేంద్రాన్ని, గోండుల సంస్కృతిని తెలిపే మ్యూజియాన్ని ఆసిఫాబాద్‌ జిల్లా కెరమెరిలోని జోడేఘాట్‌ వద్ద ఏర్పాటు చేశారు. ఆసిఫాబాద్‌ జిల్లాను కుమ్రంభీం జిల్లాగా నామకరణం చేయటం తెలిసిందే. మేడారం దగ్గర రూ. 22.53 కోట్లతో సమ్మక సారలమ్మ మ్యూజియం ఏర్పాటు చేసింది. హైదరాబాద్‌లో ఆదివాసీ బంజారాల ఆత్మగౌరవం ప్రతిబింబించేలా సుమారు రూ.50 కోట్లతో ఆదివాసీ భవన్‌, బంజారా భవనాన్ని నిర్మించగా.. ఈ నెల 17న సీఎం కేసీఆర్‌ ప్రారంభించిన విషయం తెలిసిందే.