Medaram Jathara | మేడారం జాతరకు స్పెషల్‌ బస్సులు : ఆర్‌ఎం డి.విజయభాను

సమ్మక్క-సారలమ్మ దేవతలను దర్శించుకుని మొక్కులను సమర్పించుకునేందుకు ఆర్టీసీ వరంగల్‌ రీజియన్‌ నుంచి స్పెషల్‌ బస్సులను నడిపిస్తున్నట్లు రీజినల్‌ మేనేజర్‌ డి.విజయభాను తెలిపారు.

హనుమకొండ, నవంబర్‌ 14: తెలంగాణ కుంభమేళాగా ప్రసిద్ధిచెందిన మేడారం జాతరకు భక్తులందరూ సమ్మక్క-సారలమ్మ దేవతలను దర్శించుకుని మొక్కులను సమర్పించుకునేందుకు ఆర్టీసీ వరంగల్‌ రీజియన్‌ నుంచి స్పెషల్‌ బస్సులను నడిపిస్తున్నట్లు రీజినల్‌ మేనేజర్‌ డి.విజయభాను తెలిపారు. జనవరి 25 నుంచి ఫిబ్రవరి 1 వరకు జరిగే సమ్మక్క సారలమ్మ మేడారం జాతర సందర్భంగా వరంగల్‌ రీజియన్‌ భక్తుల సౌకర్యార్థం హనుమకొండ నుంచి మేడారంకు ప్రత్యేక బస్సులు ఈనెల 16(ఆదివారం) నుంచి నడపడం జరుగుతుందన్నారు.

ఉదయం 6 గంటల నుంచి భక్తుల రద్దీకనుగుణంగా మేడారంకు బస్సులు నడపబడుతుందని, మేడారం ప్రత్యేక బస్సుల ఆపరేషన్‌ నిర్వహణకు హనుమకొండ బస్స్టేషన్‌లో ఆర్టీసీ అధికారులు 24 గంటలు ప్రయాణికుల సేవలకు అందుబాటులో ఉంటారని, అన్ని ఎక్స్​‍ప్రెస్, పల్లెవెలుగు బస్సులలో మహిళలకు, ఆడపిల్లలకు మహాలక్ష్మి పథకం వర్తిస్తుందన్నారు. ఉచిత ప్రయాణానికి అనుమతించబడుతుందని కావున మేడారం జాతరకు వెళ్లే భక్తులు ఈ సౌకర్యాన్ని వినియోగించుకొని సురక్షితంగా వారి మొక్కలను తీర్చుకోగలరని కోరారు.

మేడారం జాతరకు బస్సుల వివరాలు

హనుమకొండ బస్స్టేషన్‌ నుంచి మేడారంకు బస్సులు బయలుదేరు సమయం: 6.10,7.00,8.00,9.00,12.10,13.00,13.40,14.30,20.20 మేడారం నుంచి హనుమకొండకు బస్సులు బయలుదేరు సమయం: 5.45,9.45,10.15,11.15,13.10,16.00,17.00,17.30,18.00 ఛార్జీల వివరాలు: పల్లె వెలుగు బస్సు ఛార్జీలు పెద్దలకు రూ.130, పిల్లలకు రూ.80, ఎక్స్​​‍ప్రెస్ బస్సు ఛార్జీలు పెద్దలకు రూ.180, పిల్లలకు రూ.110. దీనిని సద్వినియోగం చేసుకోవాలని సూచించారు.