29న స్కూల్‌ మేనేజ్‌మెంట్‌ కమిటీ ఎన్నికలు

సుదీర్ఘ విరామం తర్వాత రాష్ట్రంలోని సర్కారు బడుల్లో స్కూల్‌ మేనేజ్‌మెంట్‌ కమిటీ (ఎస్‌ఎంసీ)లఎన్నికలు 29న నిర్వహించేందుకు రాష్ట్ర ప్రభుత్వం పచ్చజెండా ఊపింది. దీంతో 26వేలకు పైగా బడుల్లో కొత్త ఎస్‌ఎంసీలు కొలువుదీరనున్నాయి. ఈ మేరకు పాఠశాల విద్యాశాఖ గురువారం ఈ ఎన్నికల షెడ్యూల్‌ను విడుదల చేసింది.

• షెడ్యూల్‌ విడుదల చేసిన విద్యాశాఖ

హైదరాబాద్‌, జనవరి 18 (నమస్తే తెలంగాణ) : సుదీర్ఘ విరామం తర్వాత రాష్ట్రంలోని సర్కారు బడుల్లో స్కూల్‌ మేనేజ్‌మెంట్‌ కమిటీ (ఎస్‌ఎంసీ)లఎన్నికలు 29న నిర్వహించేందుకు రాష్ట్ర ప్రభుత్వం పచ్చజెండా ఊపింది. దీంతో 26వేలకు పైగా బడుల్లో కొత్త ఎస్‌ఎంసీలు కొలువుదీరనున్నాయి. ఈ మేరకు పాఠశాల విద్యాశాఖ గురువారం ఈ ఎన్నికల షెడ్యూల్‌ను విడుదల చేసింది. రాష్ట్రంలో ఎస్‌ఎంసీలకు చివరిసారిగా 2019లో డిసెంబర్‌లో ఎన్నికలు జరగ్గా, వీటి గడువు 2021 డిసెంబర్‌తో ముగిసింది. కరోనా తర్వాత పరిస్థితుల కారణంగా వీటి కాలపరిమితిని పలుసార్లు పొడిగిస్తూ వచ్చారు.

షెడ్యూల్‌ మార్గదర్శకాలు

• 20న ఎస్‌ఎంసీ ఎన్నికల నోటిఫికేషన్‌ వెల్లడిస్తారు. అదేరోజు తల్లిదండ్రుల జాబితా ను బడుల్లో ప్రదర్శిస్తారు.
• 22న జాబితాపై అభ్యంతరాలను స్వీకరిస్తారు. 24న తుది జాబితాను ప్రకటిస్తారు.
• 29న ఉదయం 7 నుంచి మధ్యాహ్నం ఒంటిగంట వరకు ఎస్‌ఎంసీ సభ్యుల ఎన్నికలు నిర్వహిస్తారు. మధ్యాహ్నం 1:30కు ఎస్‌ఎంసీ సభ్యులు, చైర్మన్‌, వైస్‌చైర్మన్‌ను ఎన్నుకొంటారు. మధ్యాహ్నం 2 గంటల నుంచి 4 గంటల వరకు ఎస్‌ఎంసీ తొలి సమావేశం జరుగనున్నది.
• చైర్మన్‌, వైస్‌చైర్మన్‌ సహా ఒక్కో తరగతి నుం చి ముగ్గురు ఎన్నికైన తల్లిదండ్రులు సభ్యులుగా ఉంటారు. వీరితో పాటు మరో ఐదుగురు ఎక్స్‌ఆఫీషియో సభ్యులుగా, ఇద్దరు కో ఆప్టెడ్‌ సభ్యులుంటారు. హెచ్‌ఎం మెం బర్‌ కన్వీనర్‌గా వ్యవహరిస్తారు.
• 1 -8 తరగతుల్లోని విద్యార్థుల తల్లిదండ్రు లే సభ్యులుగా ఉంటారు. 9, 10 తరగతుల్లోని విద్యార్థుల తల్లిదండ్రులకు ఈ కమిటీల్లో అవకాశం కల్పించరు.
• 50శాతం తల్లిదండ్రులు ఎన్నికలు నిర్వహించే సమావేశానికి హాజరు కావాలి. చెతులేత్తే పద్ధతి/ వాయిస్‌ వోట్‌ ద్వారా ఎన్నికలను నిర్వహిస్తారు. హెచ్‌ఎంలు ఈ ఎన్నికలను నిర్వహిస్తారు.