100 మి. టన్నుల బొగ్గు ఉత్పత్తి

బొగ్గు ఉత్పత్తి అగ్రగామి సంస్థల్లో ఒకటైన సింగరేణి భవిష్యత్తు ప్రణాళికను ప్రకటించింది. ఈ మేరకు శుక్రవారం సంస్థ సీఎండీ ఎన్‌ బలరాం విజన్‌ డాక్యుమెంట్‌ను విడుదల చేశారు. బొగ్గుతో పాటు ఇతర రంగాల్లోకి ప్రవేశించేందుకు ప్రణాళికలు రూపొందించినట్లు ఈ సందర్భంగా ఆయన వివరించారు.

• వచ్చే ఐదేండ్లలో లక్ష్యంగా పెట్టుకున్న సింగరేణి

హైదరాబాద్‌, డిసెంబర్‌ 5 (నమస్తే తెలంగాణ) : బొగ్గు ఉత్పత్తి అగ్రగామి సంస్థల్లో ఒకటైన సింగరేణి భవిష్యత్తు ప్రణాళికను ప్రకటించింది. ఈ మేరకు శుక్రవారం సంస్థ సీఎండీ ఎన్‌ బలరాం విజన్‌ డాక్యుమెంట్‌ను విడుదల చేశారు. బొగ్గుతో పాటు ఇతర రంగాల్లోకి ప్రవేశించేందుకు ప్రణాళికలు రూపొందించినట్లు ఈ సందర్భంగా ఆయన వివరించారు. ముఖ్యంగా రెన్యూవబుల్‌ విద్యుత్తు ఉత్పత్తి రంగంలో విస్తరణకు ప్రణాళికలు సిద్ధం చేశామన్నారు. ఇక సింగరేణికి అనుబంధంగా ‘గ్లోబల్‌ సింగరేణి లిమిటెడ్‌’ను ఏర్పాటు చేయనున్నట్టు ప్రకటించిన ఆయన… తెలంగాణ ప్రభుత్వం ప్రకటించిన విజన్‌ 2047కు అనుగుణంగా ఈ ప్రణాళికను సిద్ధం చేశామన్నారు.

2030 నాటికి సంస్థ లక్ష్యాలివే..

• 100 మిలియన్‌ టన్నుల బొగ్గు ఉత్పత్తి లక్ష్యంగా పెట్టుకుంది. దీంట్లో భాగంగా కొత్త బ్లాక్‌లు, ఇతర రాష్ర్టాల్లోని బ్లాక్‌లను సైతం కొనుగోలు చేయబోతున్నది.
• 1,200 మెగావాట్ల థర్మల్‌ విద్యుత్తును 4,400 మెగావాట్లకు పెంచనున్నది.
• అలాగే 245.5 మెగావాట్ల సోలార్‌ విద్యుత్తును 2030 నాటికి 2 వేల మెగావాట్లకు
• రాష్ట్రంలోని భారీ నీటి జలాశయాలపై 800 మెగావాట్ల ఫ్లోటింగ్‌ సోలార్‌ ప్లాంట్‌ను నెలకొల్పుతారు.
• ఎత్తైన ఓపెన్‌కాస్ట్‌ డంపులపైన 100 మెగావాట్ల పవన విద్యుత్తు ప్లాంట్‌ ఏర్పాటు
• 500 మెగావాట్ల పంప్డ్‌ స్టోరేజీ పవర్‌ప్లాంట్‌ను ఏర్పాటు చేయనుండగా, తొలి దశలో మేడిపల్లి ఓపెన్‌కాస్ట్‌ గని వద్ద 250 మెగావాట్ల ప్లాంట్‌ను నెలకొల్పుతారు.
• మణుగూరు సమీపం లోని పగిడేరు వద్ద 200 మెగావాట్ల జియోథర్మల్‌ ప్లాంట్‌ ఏర్పాటు.