6,644.26 కోట్లతో ..మైనారిటీ సంక్షేమం

October 9, 2021 / 02:17 AM IST

గురుకులాల సంఖ్య 204కు పెంపు

రాష్ట్ర ప్రభుత్వం మైనారిటీ సంక్షేమానికి అత్యంత ప్రాధాన్యం ఇస్తున్నది. గడిచిన 7 ఏండ్లుగా రూ.6644.26 కోట్లు ఖర్చుచేసి మైనారిటీ వర్గాల సంక్షేమానికి పాటుపడుతున్నది. క్రిస్మస్‌, రంజాన్‌ పండుగలకు ప్రభుత్వమే దుస్తుల పంపిణీ చేస్తున్నది. అసెంబ్లీలో సంక్షేమరంగంపై జరిగిన చర్చ సందర్భంగా ప్రభుత్వం మైనారిటీ వర్గాల అభ్యున్నతికి చేపట్టిన కార్యక్రమాల వివరాలను సభ్యులకు అందజేసింది.

ఏడేండ్లలో మైనార్టీల సంక్షేమానికి చేసిన ఖర్చు రూ.6,644.26 కోట్లు.
షాదీముబారక్‌: 1,95,825 మందికి రూ.1,534.16 కోట్లు లబ్ధి.
మైనారిటీ సంక్షేమ హాస్టళ్లు: 2014 వరకు కేవలం 12.. స్వరాష్ట్రంలో వీటి సంఖ్య 204కు పెంపు. 1.14 లక్షల మందికి విద్య. ఇప్పటివరకు రూ.1,7,89.26 కోట్లు ఖర్చు.
ఇమామ్‌, మౌజమ్‌లకు నెలకు రూ.5 వేల చొప్పున 10 వేల మందికి గౌరవ వేతనం. ఇప్పటివరకు రూ.239.59 కోట్లు ఖర్చు.
అధికారికంగా రంజాన్‌ పండుగ.. పేద మైనార్టీలకు దుస్తుల పంపిణీ. ప్రత్యేక విందు. ఇప్పటివరకు రూ.176.79 కోట్లతో 4.50 లక్షల మంది మైనారిటీలకు లబ్ధి.
అధికారికంగా క్రిస్మస్‌: నిరుపేదలకు దుస్తుల పంపిణీ.. ప్రత్యేక విందు. ఇప్పటివరకు 2.35 లక్షల నిరుపేద క్రిస్టియన్‌ మైనారిటీ కుటుంబాలకు రూ.102.6 కోట్లు లబ్ధి.