మోసాలు.. భూకబ్జాలు.. బెదిరింపులు.. జూబ్లీహిల్స్ కాంగ్రెస్ అభ్యర్థి నవీన్యాదవ్పై ఏడు క్రిమినల్ కేసులు
జూబ్లీహిల్స్ ఉప ఎన్నికలో కాంగ్రెస్ అభ్యర్థిగా పోటీచేస్తున్న వీ నవీన్యాదవ్ తనపై ఏడు క్రిమినల్ కేసులున్నట్టు ఆయనే స్వయంగా ఓ పత్రికకు ఇచ్చిన ప్రకటన ద్వారా వెల్లడించారు.
- స్వయంగా వెల్లడించిన కాంగ్రెస్ అభ్యర్థి
- ఆయన నేరచరితపై ప్రజల్లో ఆందోళన
హైదరాబాద్ సిటీబ్యూరో, నవంబర్ 8 (నమస్తే తెలంగాణ): జూబ్లీహిల్స్ ఉప ఎన్నికలో కాంగ్రెస్ (Congress) అభ్యర్థిగా పోటీచేస్తున్న వీ నవీన్యాదవ్ (Naveen Yadav) తనపై ఏడు క్రిమినల్ కేసులున్నట్టు ఆయనే స్వయంగా ఓ పత్రికకు ఇచ్చిన ప్రకటన ద్వారా వెల్లడించారు. బెదిరింపులు, మోసాలు, అల్లర్లు, విశ్వాసఘాతుకం, నిబంధనల ఉల్లంఘన వంటి నేరాలకుగాను తనపై కేసులు నమోదైనట్టు, ఈ కేసులన్నీ నాంపల్లి కోర్టులో విచారణలో ఉన్నట్టు పేర్కొన్నారు. ఎన్నికల ప్రచారం సందర్భంగా నవీన్ యాదవ్.. తనపై పెట్టిన కేసులన్నీ రాజకీయ దురుద్దేశంతోనేనని చెప్పారు. సీఎం రేవంత్రెడ్డితోపాటు ఓ రోడ్షోల పాల్గొన్న నవీన్యాదవ్ ‘నేను ఏ రోజూ తప్పుడు పనులు చేయలేదు. నేనేమైనా రౌడీనా.. గూండానా.. నేనేమైనా తప్పు పనిచేసిన్నా’ అంటూ ముఖ్యమంత్రి సమక్షంలోనే ప్రజలను అడిగారు. ప్రచారంలో ఆయన వ్యాఖ్యలు పత్రికకు స్వయంగా ఇచ్చిన ప్రకటనకు పొంతన లేకపోవడంపై జూబ్లీహిల్స్ ప్రజలు పెద్ద ఎత్తున చర్చించుకుంటున్నారు.
రౌడీయిజం నేపథ్యమున్న కుటుంబం నుంచి వచ్చిన నవీన్యాదవ్పై పెట్టిన కేసులు రాజకీయపరమైనవి కాదని ఆయనపై పోలీసులు నమోదు చేసిన సెక్షన్లను బట్టి స్పష్టమవుతున్నదని పరిశీలకులు పేర్కొంటున్నారు. భూకబ్జాలు, బెదిరింపులకు సంబంధించిన సెక్షన్లతో కూడిన ఈ కేసులకు రాజకీయరంగు పూసి ఎన్నికల్లో లబ్ధిపొందేందుకు నవీన్ ప్రయత్నిస్తున్నట్టు అభిప్రాయపడుతున్నారు. ఆయనపై నమోదైన కేసులన్నీ జూబ్లీహిల్స్ పరిధిలో జరిగిన నేరాలకు సంబంధించినవే కావడం గమనార్హం. మరోవైపు నవీన్ యాదవ్ తండ్రి చిన్నశ్రీశైలం యాదవ్, బాబాయ్ రమేశ్యాదవ్లు రౌడీషీటర్లుగా మధురానగర్ పోలీస్స్టేషన్లో నమోదై ఉన్నారు. తాజాగా ఎన్నికల ప్రచారం సందర్భంగా ఇతర పార్టీలను బెదిరించడంపై నవీన్తోపాటు ఆయన సోదరుడు వెంకట్ యాదవ్పై కూడా కేసులు నమోదయ్యాయి. ఇటువంటి వ్యక్తి ప్రజాసేవ చేస్తానంటూ ఎన్నికల్లో పోటీ చేయడం ఆందోళనకరమని అంటున్నారు.

అన్నీ నేరాలకు సంబంధించి కేసులే..!
తాను రౌడీని.. గూండాను కాదంటున్న నవీన్ యాదవ్ స్వయంగా వెల్లడించిన వివరాల ప్రకారం.. బెదిరింపులు, అక్రమనిర్బంధాలు, ప్రజల పట్ల దుష్ప్రవర్తనన మోసాలకు సంబంధించిన కేసుల్లో ప్రధాననిందితునిగా ఉన్నారు. బెదిరింపులకు పాల్పడటం, మోసాలు చేయడం, భూకబ్జాలకు పాల్పడటం, నమ్మకంగా ద్రోహం, అక్రమంగా నిర్బంధించి బెదిరించిన ఆరోపణలపై పలు సెక్షన్ల కింద కేసులు నమోదయ్యాయి. ఇందులో అన్నీ నేరాలకు సంబంధించినవే కాగా ఒక కేసు ఇటీవల ఎన్నికల సమయంలో బెదిరింపులకు పాల్పడినందుకు నమోదైంది. కార్మికనగర్-యూసుఫ్గూడ చెక్పోస్ట్ రోడ్డుపై నిమ్జ్మే దగ్గర రూ.4 కోట్లకు పైగా విలువైన 357 చదరపు గజాల ప్రభుత్వస్థలాన్ని బోగస్పత్రాలు సృష్టించి ఆక్రమించుకున్నారంటూ నవీన్పై ఖైరతాబాద్ రెవెన్యూ అధికారులు ఫిర్యాదు చేశారు. ప్రభుత్వస్థలాన్నే ఆక్రమించుకునే ప్రయత్నంతో పాటు పలు భూకబ్జా వివాదాల్లో నవీన్ పాత్ర ఉంటుందని నియోజకవర్గంలో చర్చ జరుగుతున్నది.
ఏడు కేసుల వివరాలు ఇవీ..
- ఎఫ్ఐఆర్ నెం.575/2021లో – 109,505(2),506 ఐపీసీ సెక్షన్లు
- ఎఫ్ఐఆర్ నెం.95/2021లో – 506 ఐపీసీ సెక్షన్
- ఎఫ్ఐఆర్ నెం.93/2021లో – 420,506 ఐపీసీ సెక్షన్లు
- ఎఫ్ఐఆర్ నెం.55/2021లో – 341,506,509 రెడ్విత్ 143 ఐపీసీ సెక్షన్లు
- ఎఫ్ఐఆర్ నెం.395/2006లో – 406, 420,506 ఐపీసీ సెక్షన్లు
- ఎఫ్ఐఆర్ నెం.340/2021లో – 188,419, 420, 427,447,467,471 ఐపీసీ సెక్షన్లు
అండర్ సెక్షన్ 3 ఆఫ్ పీడీపీపీ యాక్ట్ - ఎఫ్ఐఆర్ నెం.655/2025లో – 123(1),123(2), 170,171,174 ఆఫ్ బీఎన్ఎస్ సెక్షన్లు
Read Today's Latest Telangana News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

