Special Trains | శని, ఆదివారాల్లో.. విశాఖ-చర్లపల్లి మధ్య ప్రత్యేక రైళ్లు

సంక్రాంతి సెలవులు ముగిశాయి. పండుగకు స్వగ్రామాలకు వెళ్లిన నగర వాసులు, ఉద్యోగులు అందరూ హైదరాబాద్‌కు తిరుగు పయాణయ్యారు. దీంతో ప్రయాణికుల రద్దీ దృష్ట్యా విశాఖపట్నం నుంచి చర్లపల్లికి దక్షిణ మధ్య రైల్వే (SCR) ప్రత్యేక రైళ్లను (Special Trains) నడుపుతున్నది. ఈ రైళ్లు 18, 19 తేదీల్లో అందుబాటులో ఉండనున్నాయి.

Special Trains | సంక్రాంతి సెలవులు ముగిశాయి. పండుగకు స్వగ్రామాలకు వెళ్లిన నగర వాసులు, ఉద్యోగులు అందరూ హైదరాబాద్‌కు తిరుగు పయాణయ్యారు. దీంతో ప్రయాణికుల రద్దీ దృష్ట్యా విశాఖపట్నం నుంచి చర్లపల్లికి దక్షిణ మధ్య రైల్వే (SCR) ప్రత్యేక రైళ్లను (Special Trains) నడుపుతున్నది. ఈ రైళ్లు 18, 19 తేదీల్లో అందుబాటులో ఉండనున్నాయి.

విశాఖ-చర్లపల్లి-భువనేశ్వర్‌ (08549/08550)

• ఈ రైలు 18వ తేదీ రాత్రి 7.45 గంటలకు విశాఖపట్నంలో బయలుదేరుతుంది. 19వ తేదీ ఉదయం 7 గంటలకు చర్లపల్లికి చేరుతుంది. అదేరోజు ఉదయం 9 గంటలకు చర్లపల్లిలో బయలుదేరి సాయంత్రం 7.30 గంటలకు విశాఖ చేరుకుంటుంది. 7.50 గంటలకు బయలుదేరి ఈ నెల 20న తెల్లవారు జామున 2.15 గంటలకు భవనేశ్వర్ చేరుతుంది. ఈ రైలు దువ్వాడ, సామర్లకోట, రాజమండ్రి, నిడదవోలు, తాడేపల్లిగూడెం, విజయవాడ, గుంటూరు, మిర్యాలగూడ, నల్లగొండ స్టేషన్లలో ఆగుతుంది.

విశాఖ-చర్లపల్లి-విశాఖ (08509/08510)

• ఈ రైలు జనవరి 18న సాయంత్రం 6.20 గంటలకు విశాఖలో బయల్దేరుతుంది. 19న ఉదయం 8 గంటలకు చర్లపల్లి చేరుతుంది. అదేరోజు ఉదయం 10 గంటలకు చర్లపల్లి నుంచి పయణమై రాత్రి 10 గంటలకు విశాఖకు చేరుకుంటుంది. ఈ రైలు దువ్వాడ, అనకాపల్లి, ఎలమంచిలి, తుని, అన్నవరం, సామర్లకోట, రాజమండ్రి, నిడదవోలు, తాడేపల్లిగూడెం, ఏలూరు, విజయవాడ, గుంటూరు, సత్తెనపల్లి, పిడుగురాళ్ల, నడికుడి, మిర్యాలగూడ, నల్లగొండ స్టేషన్లలో ఆగుతుంది.

విశాఖ-చర్లపల్లి-విశాఖ (08551/08552)

• ఈ రైలు 19న సాయంత్రం 6.20గంటలకు విశాఖపట్నంలో బయలుదేరి 20న ఉదయం 8 గంటలకు చర్లపల్లి చేరుతుంది. మళ్లీ ఉదయం 10 గంటలకు చర్లపల్లిలో బయలుదేరి రాత్రి 10 గంటలకు విశాఖ చేరుకుంటుంది. ఈ రైలు దువ్వాడ, అనకాపల్లి, ఎలమంచిలి, తుని, అన్నవరం, సామర్లకోట, రాజమండ్రి, నిడదవోలు, తాడేపల్లిగూడెం, ఏలూరు, విజయవాడ, గుంటూరు, సత్తెనపల్లి, పిడుగురాళ్ల, నడికుడి, మిర్యాలగూడ, నల్లగొండ స్టేషన్లలో ఆగుతుంది.