ఖమ్మంలో రహదారుల విస్తరణ

ఖమ్మం జిల్లాలోని ఐదు ప్రధాన రహదారులను నాలుగు లేన్లుగా విస్తరించేందుకు ప్రభుత్వం రూ.594 కోట్లు మంజూరు చేస్తూ ఉత్తర్వులు జారీచేసింది. హైబ్రిడ్‌ యాన్యుటీ మాడల్‌ (హ్యామ్‌)లో పనులు చేపట్టనున్నారు.

• 594 కోట్లు మంజూరు

హైదరాబాద్‌, మార్చి 19 (నమస్తే తెలంగాణ): ఖమ్మం జిల్లాలోని ఐదు ప్రధాన రహదారులను నాలుగు లేన్లుగా విస్తరించేందుకు ప్రభుత్వం రూ.594 కోట్లు మంజూరు చేస్తూ ఉత్తర్వులు జారీచేసింది. హైబ్రిడ్‌ యాన్యుటీ మాడల్‌ (హ్యామ్‌)లో పనులు చేపట్టనున్నారు.

విస్తరించనున్న రహదారులు

• వైరా నుంచి జగ్గయ్యపేట వరకు హైదరాబాద్‌ విజయవాడ జాతీయ రహదారిని కలుపుతూ నాలుగు వరుసల రహదారిగా విస్తరణ. జగ్గయ్యపేట , బోనకల్‌ , రావినూతల , ముజఫర్‌నగర్‌, జానకీపురం, పెద్ద బీరవల్లి, పాలడుగు, సీతానగరం, గొల్లపూడి, రెబ్బవరం, తాటిపూడి, జింకల తాండా, సోమవరం మీదుగా వైరా వరకు. పొడవు- 25.2కి.మీ.లు కాగా, మంజూరైన నిధులు రూ. 151.20 కోట్లు.
• మధిర నుంచి తూటికుంట్ల వరకు. మధిర, జిలుగుమాడు, ఆతూరు, కిష్టాపురం, సిరిపురం, కలకోట, బ్రాహ్మణపల్లి మీదుగా తూటికుంట్ల వరకు. పొడవు-13.50 కి.మీ.లు. నిధులు రూ. 81 కోట్లు.
• మధిర నుంచి ఎర్రుపాలెం వరకు. మధిర, ఎల్లెందుల పాడు, దెందుకూరు, మీనవోలు మీదుగా ఎర్రుపాలెం వరకు. పొడవు-18.40 కిలోమీటర్లు. నిధులు రూ. 110.40 కోట్లు.
• ఖమ్మం నుంచి బోనకల్‌ వరకు. ఖమ్మం, కొత్తూరు, దంసలాపురం, గాంధీనగరం, రామకృష్ణాపురం, పందిళ్లపల్లి, జగన్నాథపురం, నాగులవంచ, ముష్టికుంట్ల మీదుగా బోనకల్‌ వరకు. పొడవు- 28.03 కి.మీ. లు నిధులు రూ.157.23 కోట్లు.
• బోనకల్‌-ఆళ్లపాడు, రాయన్నపేట-వంగవీడు వరకు. బోనకల్‌, ఆళ్లపాడు, రాయన్నపేట మీదుగా వంగవీడు వరకు. పొడవు-15.72 కి.మీ.లు. నిధులు రూ.94.32 కోట్లు.