పొగమంచుతో చలికాలంలో జాగ్రత్త.. ఏమాత్రం ఏమరుపాటుగా ఉన్నా ప్రమాదం తప్పదు!

‘వాహన డ్రైవర్లు చలికాలంలో జర జాగ్రత్తగా ఉండండి.. ఏమాత్రం ఏమరుపాటుగా ఉన్నా ప్రమాదం తప్పదు’ అని పోలీసు శాఖ సూచించింది. ‘అరైవ్‌ అలైవ్‌' అవగాహన కార్యక్రమంలో భాగంగా చలికాలంలో రహదారి భద్రతపై వాహనదారులకు కీలక సూచనలు చేసింది. ఆదివారం ప్రకటన విడుదల చేసింది.

• చలికాలంలో ప్రమాదాలు..
• అప్రమత్తంగా ఉంటేనే అడ్డుకట్ట
• రహదారి భద్రత పాటించాలని పోలీసుశాఖ సూచనలు

హైదరాబాద్‌, నవంబర్‌ 23 (నమస్తే తెలంగాణ): ‘వాహన డ్రైవర్లు చలికాలంలో (Winter) జర జాగ్రత్తగా ఉండండి.. ఏమాత్రం ఏమరుపాటుగా ఉన్నా ప్రమాదం తప్పదు’ (Road Accidents) అని పోలీసు శాఖ సూచించింది. ‘అరైవ్‌ అలైవ్‌’ (Arrive Alive) అవగాహన కార్యక్రమంలో భాగంగా చలికాలంలో రహదారి భద్రతపై వాహనదారులకు కీలక సూచనలు చేసింది. ఆదివారం ప్రకటన విడుదల చేసింది. దట్టమైన పొగమంచు (Dens Fog) కారణంగా ఎదురుగా వచ్చే వాహనాలు, పాదచారులు, జంతువులు, ట్రాఫిక్‌ సిగ్నల్స్‌ కనిపించవని, దీంతో ప్రమాదాలు జరిగే అవకాశం ఉంటుందని పేర్కొన్నది. ఈ నేపథ్యంలో తీసుకోవాల్సిన జాగ్రత్తలను చెప్పింది.

• మంచులో వాహనాలు కనబడనందున అతివేగం, ఓవర్‌టేకింగ్‌కు దూరంగా ఉండాలి. వేగంగా వెళ్తే వాహనం నియంత్రణ కోల్పోయే ప్రమాదం ఉంది. ఓ వర్‌టేక్‌ చేసేటప్పుడూ వాహనం ఎంతదూరంలో ఉన్నదో అంచనా వేయడం కష్టం.
• హైబీమ్‌ లైట్లను వినియోగించడం ద్వారా కాంతి విచ్ఛిన్నం చెంది ఎదురుగా వచ్చే వాహనాలు కనబడవు. అందుకే లో బీమ్‌లైట్లను వేసుకొని ప్రయాణం చేయడమే సురక్షితం. అవసరమైతే ఫాగ్‌లైట్లను ఉపయోగించడం మరింత మంచిది.
• ముందున్న వాహనానికి, మీ వాహనానికి మధ్య సురక్షిత దూరం పాటించాలి. తద్వారా ముందు వెళ్లే వెహికిల్‌ సడెన్‌ బ్రేక్‌ వేసినా.. అంచనా తప్పినా ఢీకొట్టకుండా నివారించవచ్చు.
• నిర్దేశిత లేన్లలోనే వాహనాలు నడపాలి.
• వాహనాల కిటికీ అద్దాలను పాక్షికంగా తెరవడం ద్వారా పొగమంచు ఒకే దగ్గర కేంద్రీకృతం కాకుండా విచ్ఛిన్నమవుతుంది. తద్వారా డ్రైవర్‌ దృష్టి మెరుగుపడుతుంది.