Visit:
హైదరాబాద్‌, నవంబర్‌ 28 (నమస్తే తెలంగాణ): సీఎం రేవంత్‌ పంచాయతీ ఎన్నికల్లో ప్రచారం చేయనున్నారా? సర్పంచ్‌ ఎన్నికల ను దృష్టిలో పెట్టుకొనే జిల్లాల పర్యటనను ఖరారు చేశారా? అంటే ఇటు పార్టీ, అటు ప్ర భుత్వ వర్గాల నుంచి అవును అనే సమాధాన మే వినిపిస్తున్నది. కాంగ్రెస్‌ ప్రభుత్వం అధికారంలోకి వచ్చి రెండేండ్లు పూర్తవుతున్న నేపథ్యంలో సీఎం రేవంత్‌ డిసెంబర్‌ ఒకటి నుంచి 9లోపు జిల్లాల్లో పర్యటించనున్నారు.
ఆయన పర్యటన షెడ్యూల్‌ ఖరారైనట్టు తెలుస్తున్నది. డిసెంబర్‌ 11 నుంచి మూడు విడతల్లో పంచాయతీ ఎన్నికలు జరుగనున్నాయి. ఇప్పటికే నామినేషన్ల ప్రక్రియ ప్రారంభమైన నేపథ్యం లో రానున్న పది రోజులు ప్రచారం హోరుగా సాగనున్నది. ఇదే సమయంలో సీఎం జిల్లాల పర్యటన తమ పార్టీ అభ్యర్థుల పక్షాన ప్ర చారం చేయడానికేనన్న విమర్శలు వినిపిస్తున్నాయి. తమ ప్రభుత్వ రెండేండ్ల పాలన విజయోత్సవాల పేరిట సీఎం పరోక్షంగా ఎన్నికల ప్రచారం చేసేందుకే వెళ్తున్నారన్న ఆరోపణలు వెల్లువెత్తుతున్నాయి.
జూబ్లీహిల్స్‌ ఉప ఎన్నికలో రేవంత్‌ ప్రచా రం చేయడంపై విమర్శలు వెల్లువెత్తాయి. సి ట్టింగ్‌ అభ్యర్థి మరణిస్తే జరిగిన ఉప ఎన్నికలో సీఎం తన స్థాయిని మరిచి గల్లీగల్లీకి తిరిగి కాంగ్రెస్‌ అభ్యర్థికి ఓటు వేయాలని అభ్యర్థించిన తీరు విమర్శలకు దారితీసింది. ఇది జరిగి పక్షం రోజులు గడవకముందే.. సీఎం సర్పంచ్‌ ఎన్నికల్లో ప్రచారానికి బయలుదేరడంపై కాంగ్రెస్‌లోనే అసంతృప్తి వ్యక్తమవుతున్నది.
సీఎం రేవంత్‌ డిసెంబర్‌ ఒకటి నుంచి ఆరు వరకు జిల్లాల్లో పర్యటించనున్నారు. షెడ్యూల్‌ ప్రకారం.. డిసెంబర్‌ 1న మహబూబ్‌నగర్‌ జిల్లా మక్తల్‌, 2న ఖమ్మం జిల్లా కొత్తగూడెం, 3న కరీంనగర్‌ జిల్లా హుస్నాబాద్‌, 4న ఆదిలాబాద్‌, 5న నర్సంపేట, 6న నల్లగొండ జిల్లా దేవరకొండలో ఆయన పర్యటించనున్నారు.
కాంగ్రెస్‌ సర్కార్‌ వచ్చిన నాటినుంచి స్థాని క సంస్థలకు ప్రజాప్రతినిధులు లేరు. రెండేండ్లుగా పంచాయతీలకు ఎన్నికలు నిర్వహించకపోవడంతో కేంద్ర నిధులు నిలిచిపోయాయి. ఫలితంగా అభివృద్ధి కుంటుపడింది. బీసీలకు 42%రిజర్వేషన్లు అమలు చేసేందుకే పంచాయతీ ఎన్నికలు ఆలస్యమవుతున్నాయని చె ప్పిన ప్రభుత్వం.. ఇప్పుడు 17 శాతానికి తగ్గించి ఎన్నికలకు వెళ్తున్నది. ఈ పరిస్థితుల్లో సీఎం సర్పంచ్‌ ప్రచారంలో ప్రజలకు ఏమి చెప్తారనే ప్రశ్నలు ఉత్పన్నమవుతున్నాయి.
