నిరుద్యోగుల సమస్యలపై అఖిలపక్షాన్ని పిలవండి

సమస్యల పరిష్కారం కోసం ఉద్యమిస్తున్న నిరుద్యోగులపై ప్రభుత్వ నిర్బంధం సరైంది కాదని, వారి సమస్యల పరిష్కారం కోసం వెంటనే రాష్ట్ర ప్రభుత్వం అఖిలపక్షాన్ని పిలువాలని రాజ్యసభ సభ్యుడు ఆర్‌ కృష్ణయ్య డిమాండ్‌ చేశారు.

హైదరాబాద్‌, జూలై 15 (నమస్తే తెలంగాణ): సమస్యల పరిష్కారం కోసం ఉద్యమిస్తున్న నిరుద్యోగులపై ప్రభుత్వ నిర్బంధం సరైంది కాదని, వారి సమస్యల పరిష్కారం కోసం వెంటనే రాష్ట్ర ప్రభుత్వం అఖిలపక్షాన్ని పిలువాలని రాజ్యసభ సభ్యుడు ఆర్‌ కృష్ణయ్య డిమాండ్‌ చేశారు.

ఈ మేరకు ఆయన సోమవారం ఓ లేఖను విడుదల చేశారు. అఖిలపక్ష సమావేశంలో నిరుద్యోగుల సమస్యలపై చర్చించి పరిష్కరించాలని ముఖ్యమంత్రి రేవంత్‌రెడ్డిని కోరారు. గ్రూప్‌-1లో 1:100, గ్రూప్‌-2, 3 పోస్టులను పెంచడం, డీఎస్సీ వాయిదా, టీచర్‌ పోస్టులు తదితర అంశాలపై చర్చిస్తే తప్పకుండా పరిష్కారం లభిస్తుందని తెలిపారు.