మోదీ దీనికి బదులేది?

రేపట్నుంచి హైదరాబాద్‌లో బీజేపీ జాతీయ కార్యవర్గ సమావేశాలు జరుగుతున్నాయి.. రెండు రోజులపాటు ప్రధాని మోదీ తెలంగాణలో ఉంటున్నారు. మూడో తేదీన తెలంగాణ సమాజాన్ని ఉద్దేశించి మాట్లాడటానికీ సిద్ధమవుతున్నారు. అంతకుముందు తెలంగాణ సమాజం ప్రధానిని నిగ్గదీసి అడుగుతున్న ప్రశ్నలకు మోదీ ఏం జవాబు చెప్తారు?

నిగ్గదీసి అడుగుతున్నది మా తెలంగాణం

తెలంగాణ సమాజం నిగ్గదీసి అడుగుతున్నది. మోదీ పరివారం జవాబేమిటి?

రేపట్నుంచి హైదరాబాద్‌లో బీజేపీ జాతీయ కార్యవర్గ సమావేశాలు జరుగుతున్నాయి.. రెండు రోజులపాటు ప్రధాని మోదీ తెలంగాణలో ఉంటున్నారు. మూడో తేదీన తెలంగాణ సమాజాన్ని ఉద్దేశించి మాట్లాడటానికీ సిద్ధమవుతున్నారు. అంతకుముందు తెలంగాణ సమాజం ప్రధానిని నిగ్గదీసి అడుగుతున్న ప్రశ్నలకు మోదీ ఏం జవాబు చెప్తారు?

30-4-2014
తల్లిని చంపి బిడ్డను బతికించారు. తిరుపతి ఎన్నికల ప్రచార సభలో బీజేపీ ప్రధానమంత్రి అభ్యర్థి నరేంద్రమోదీ

24-3-2022
మీ ప్రజలకు నూకలు తినడం నేర్పించండి.. రాష్ట్ర మంత్రులతో కేంద్ర ఆహార మంత్రి పీయూష్‌ గోయల్‌ ఈ మాటలన్నందుకు క్షమాపణ చెప్తారా? లేదా?

1. తల్లిని చంపి బిడ్డను బతికించారని తెలంగాణపై చేసిన విద్వేష వ్యాఖ్యలకు జవాబేమిటి?
2. తెలంగాణ సమాజాన్ని నూకలు తినాలి అన్న మీ మంత్రి గోయల్‌ మాటలపై మీ మాటేమిటి?
3. అన్ని రాష్ర్టాలకు వైద్య కళాశాలలు మంజూరు చేసిన మీరు.. తెలంగాణకు ఒక్కటి కూడా ఎందుకు ఇవ్వలేదు?
4. జిల్లాకు ఒక నవోదయ విద్యాలయం ఇవ్వాలన్న విజ్ఞప్తులను ఎందుకు బుట్టదాఖలు చేశారు?
5. మాకు చెప్పకుండా తెలంగాణలోని ఏడు మండలాలను ఏపీలో ఏకపక్షంగా విలీనం చేసిన మీరు.. వాటిని తిరిగి ఎప్పుడిస్తారు?
6. హైదరాబాద్‌కు మంజూరైన ఐటీఐఆర్‌ ప్రాజెక్టును ఎందుకు రద్దుచేశారు?
7. తెలంగాణలో పథకాలకు నిధులివ్వాలన్న నీతి ఆయోగ్‌ లాంటి అత్యున్నత సంస్థల సిఫారసులను ఎందుకు అమలు చేయలేదు?
8. నిజామాబాద్‌లో ఏర్పాటుచేస్తామన్న పసుపుబోర్డు ఏమైపోయింది?
9. రాష్ర్టానికి డిఫెన్స్‌ కారిడార్‌ ఇవ్వాలని విజ్ఞప్తులు చేసినా.. ఎందుకు ఇవ్వలేదు?
10. దేశవ్యాప్తంగా ఏర్పాటు చేసిన మెగా పవర్‌లూమ్‌ టెక్స్‌టైల్‌ క్లస్టర్లలో తెలంగాణకు ఒక్కటైనా ఎందుకు ఇవ్వలేదు?