Visit:
Property Tax | హైదరాబాద్‌, ఫిబ్రవరి 26 (నమస్తే తెలంగాణ ): పట్టణాలు, నగరాల్లో ము న్సిపల్‌ బిల్లులు చెల్లించడానికి మున్సిపల్‌ శాఖ భారత్‌ బిల్‌పే సిస్టం(బీబీపీఎస్‌) విధానాన్ని అమలు చేస్తున్నది. ఈ విధానంతో మున్సిపల్‌ పన్నులు సులువుగా చెల్లించే అవకాశం ఏర్పడింది. ఫో న్‌పే, గూగుల్‌పే, పేటీఎం, అమెజాన్‌పే, మొబివిక్‌ తదితర వాటిల్లో బిల్‌పే ఫైనాన్షియల్‌ సర్వీసెస్‌పై క్లిక్‌ చేస్తే మున్సిపల్‌ టాక్స్‌ ఆప్షన్‌ ఉంటుంది. దానిపై క్లిక్‌ చే స్తే తెలంగాణ మున్సిపాలిటీస్‌ అనే ఆప్ష న్‌ వస్తుంది. దానిలో అసెస్‌మెంట్‌ నెం బర్‌, మొబైల్‌ నెంబర్‌, యజమానుల వివరాలు ప్రత్యక్షమవుతాయి. దీంతో బిల్లు చెల్లించవచ్చు. ప్రస్తుత ఆర్థిక సంవత్సరం ముగింపునకు వస్తున్న తరుణంలో ఆస్తి పన్ను సహా ఇతర పన్నులను వసూలు చేయడానికి యజమానులకు అనువైన, సులవైన విధానం ఉండటంతో అధిక శాతం చెల్లింపులు అవుతాయని, మున్సిపల్‌ శాఖ ఉద్యోగులు, అధికారులకు వసూళ్లపై ఒత్తిడి తగ్గుతుందని అంచనా వేస్తున్నారు. ఇంటి యజమానులకు బిల్లులు చెల్లించాలని ఉన్నా, ఆ ప్రక్రియకు సమయం వెచ్చించలేక చెల్లింపుల్లో జాప్యం జరిగేవి. దానికి ఆస్కారం లేకుండా మార్పులు తీసుకొచ్చారు.
కొంత కాలంగా మున్సిపల్‌ ఆస్తి పన్ను, నీటి పన్ను, ఇతర పన్నులను చెల్లించడానికి సులువైన విధానాలను అమలు చేస్తున్నారు. తాజాగా తెచ్చిన విధానంలో యజమానులు తమకు అనువైన విధానంలో పన్నులను చెల్లించుకునే వెసులుబాటు ఏర్పడనుంది. గతంలో మున్సిపల్‌ పన్నులను మున్సిపల్‌ కార్యాలయాల్లో ఉండే పన్ను చెల్లింపు కేంద్రాల్లో మాత్రమే చెల్లించే అవకాశం ఉండేది. ఆ తర్వాత మీ సేవా కేంద్రాల్లో చెల్లించేలా మార్పులు చేశారు. రెండేండ్లలో పన్ను చెల్లింపులకు గణనీయమైన మార్పులు తెచ్చారు. నిరుడు నుంచి మున్సిపల్‌ బిల్లుపై క్యూఆర్‌ కోడ్‌ ముద్రించి ఇస్తున్నారు. ఆ క్యూర్‌ కోడ్‌ను స్కాన్‌ చేస్తే చెల్లించే వెసులుబాటును కల్పించారు.
