పంజాబ్పై సన్రైజర్స్ ఘనవిజయం
హ్యాట్రిక్ పరాజయాల నుంచి కోలుకున్న సన్రైజర్స్ హైదరాబాద్ సీజన్లో బోణీ కొడితే.. తొలి మ్యాచ్లో ఓటమి అనంతరం చెన్నై సూపర్ కింగ్స్ వరుసగా మూడో విజయం నమోదు చేసుకుంది. పంజాబ్తో పోరులో ఎప్పట్లానే బౌలింగ్ బలంతో వార్నర్ సేన దుమ్మురేపితే.. డుప్లెసిస్, గైక్వాడ్ మెరుపులతో చెన్నై చిందేసింది. స్వింగ్తో సత్తాచాటిన దీపక్ చాహర్ ఆరంభంలోనే నాలుగు వికెట్లు పడగొట్టి కోల్కతా వెన్ను విరిచినా.. డేంజర్ మ్యాన్ రస్సెల్, కమిన్స్ భారీ సిక్సర్లతో విరుచుకుపడి చెన్నైని వణికించారు. ఒక దశలో ధోనీ సేనకు పరాజయం తప్పదనుకున్నా.. కీలక సమయంలో ఒత్తిడిని జయించిన చెన్నై మూడో విజయంతో ఊపిరి పీల్చుకుంది.
చెన్నై: ఐపీఎల్ 14వ సీజన్లో సన్రైజర్స్ హైదరాబాద్ ఘన విజయంతో పాయింట్ల ఖాతా తెరిచింది. బుధవారం చెపాక్ స్టేడియంలో జరిగిన మధ్యాహ్నం మ్యాచ్లో రైజర్స్ 9 వికెట్లతో పంజాబ్ కింగ్స్ను చిత్తుచేసింది హైదరాబాద్ బౌలర్లు ఖలీల్ (3/21), అభిషేక్ (2/24) ధాటికి పంజాబ్ 19.4 ఓవర్లలో 120 పరుగులకే ఆలౌటైంది. మయాంక్ (22), షారూక్ (22) టాప్ స్కోరర్లు. స్వల్ప లక్ష్యఛేదనలో ‘మ్యాన్ ఆఫ్ ది మ్యాచ్’జానీ బెయిర్ స్టో (56 బంతుల్లో 63 నాటౌట్; 3 ఫోర్లు, 3 సిక్స్లు) అజేయ అర్ధశతకం బాదడంతో హైదరాబాద్ 18.4 ఓవర్లలో ఒక్క వికెట్ కోల్పోయి 121 పరుగులు చేసింది. కెప్టెన్ డేవిడ్ వార్నర్ (37 బంతుల్లో 37; 3 ఫోర్లు, ఓ సిక్స్), ఈ సీజన్లో తొలిసారి మైదానంలోకి దిగిన విలియమ్సన్ (16 నాటౌట్) రాణించారు.
అలవోకగా..
గత మూడు మ్యాచ్ ల్లో లక్ష్యఛేదనలో తడబడిన హైదరాబాద్ ఈసారి అలవోకగానే గెలిచింది. ఓపెనర్లు బెయిర్ స్టో, వార్నర్ 73 పరుగుల భాగస్వా మ్యం నెలకొల్పడంతో రైజర్స్ పని సులువైంది. అలెన్ వేసిన రెండో ఓవర్లో ఫోర్, సిక్స్తో బెయిర్ స్టో అదరగొట్టగా.. వార్నర్ సైతం దూకుడుగా ఆడడంతో ఆరు ఓవర్లలోనే హైదరాబాద్ 50 పరుగుల మార్క్ను చేరింది. ఆ తర్వాత ఇద్దరూ ఆచితూచి ఆడగా.. భారీ షాట్కు యత్నించి వార్నర్ 11వ ఓవర్లో వెనుదిరిగాడు. కేన్ విలియమ్సన్తో కలిసి బెయిర్ స్టో జట్టును గెలుపు తీరాన్ని దాటించాడు.
బౌలర్లు భళా..
హైదరాబాద్ బౌలర్లు వరుస విరామాల్లో వికెట్లు తీయడంతో టాస్ గెలిచి బ్యాటింగ్కు దిగిన పంజాబ్ స్వల్ప స్కోరుకే ఆలౌటైంది. కింగ్స్ కెప్టెన్ రాహుల్ (4)ను భువనేశ్వర్ ఔట్ చేయగా.. మయాంక్ (22), గేల్ (15) కాసేపు ఆచితూచి ఆడారు. అయితే అగర్వాల్ను ఖలీల్ బుట్టలో వేసుకోగా.. లేని పరుగుకు యత్నించి ఒక్కబాల్ కూడా ఎదుర్కోకుండానే పూరన్ (0) పెవిలియన్ బాటపట్టాడు. గేల్ను రషీద్ వికెట్ల ముందు దొరకబుచ్చుకోగా.. హూడా (13), హెన్రిక్స్ (14), అలెన్ (6) నిరాశపరిచారు. షారూక్ ఖాన్ (22) కాస్త ధాటిగా ఆడటంతో కింగ్స్ ఆ మాత్రం స్కోరు చేయగలిగింది.
స్కోరు బోర్డు
పంజాబ్: రాహుల్ (సి) కేదార్ (బి) భువనేశ్వర్ 4, మయాంక్ (సి) రషీద్ (బి) ఖలీల్ 22, గేల్ (ఎల్బీ) రషీద్ 15, పూరన్ (రనౌట్) వార్నర్ 0, హూడా (ఎల్బీ) అభిషేక్ 13, హెన్రిక్స్ (స్టంప్డ్) బెయిర్స్టో (బి) అభిషేక్ 14, షారూక్ (సి) అభిషేక్ (బి) ఖలీల్ 22, అలెన్ (సి) వార్నర్ (బి) ఖలీల్ 6, మురుగన్ (స్టంప్డ్) బెయిర్స్టో (బి) సిద్ధార్థ్ 9, షమీ (రనౌట్) 3, అర్షదీప్ (నాటౌట్) 1; ఎక్స్ట్రాలు: 11, మొత్తం: 19.4 ఓవర్లలో 120 ఆలౌట్. వికెట్ల పతనం: 1-15, 2-39, 3-39, 4-47, 5-63, 6-82, 7-101, 8-110, 9-114, 10-120, బౌలింగ్: అభిషేక్ 4-0-24-2, భువనేశ్వర్ 3-0-16-1, ఖలీల్ 4-0-21-3, సిద్ధార్థ్ కౌల్ 3.4-0-27-1, శంకర్ 1-0-6-0, రషీద్ 4-0-17-1.
హైదరాబాద్: వార్నర్ (సి) అగర్వాల్ (బి) అలెన్ 37, బెయిర్ స్టో (నాటౌట్) 63, విలియమ్సన్ (నాటౌట్) 16; ఎక్స్ట్రాలు: 5, మొత్తం: 18.4 ఓవర్లలో 121/1. వికెట్ల పతనం: 1-73; బౌలింగ్: షమీ 2-0-16-0, ఫాబియన్ అలెన్ 4-1-22-1, అర్షదీప్ 3.4-0-31-0, హెన్రిక్స్ 1-0-7-0, మురుగన్ 4-0-22-0, హూడా 4-0-22-0.
పాయింట్ల పట్టిక
జట్టు ఆ గె ఓ నె,ర పా
చెన్నై 4 3 1 1.14 6
బెంగళూరు 3 3 0 0.75 6
ఢిల్లీ 4 3 1 0.42 6
ముంబై 4 2 2 0.18 4
హైదరాబాద్ 4 1 3 -0.22 2
కోల్కతా 4 1 3 -0.7 2
రాజస్థాన్ 3 1 2 -0.71 2
పంజాబ్ 4 1 3 -0.82 2
ఆ-ఆడినవి, గె-గెలుపు, ఓ-ఓటమి, నె.ర-నెట్ రన్రేట్, పా-పాయింట్లు