Nagarjuna Sagar: 2 గేట్ల ద్వారా నీటి విడుదల

నందికొండ: నాగార్జునసాగర్ డ్యాం 2 క్రస్ట్ గేట్ల ద్వారా 16096 క్యూసెక్కుల నీటిని విడుదలను దిగువకు కొనసాగిస్తున్నా రు. నాగార్జున సాగర్ రిజర్వాయర్ పూర్తి నీటి సామర్ధ్యం 590 (312.4050 టీఎంసీలు) అడుగులకు గాను 589.50 (310.5510 టీఎంసీలు) మేర నీరు నిల్వ ఉంది.

నాగార్జునసాగర్ రిజర్వాయర్ నుంచి కుడి కాల్వ ద్వారా 8298 క్యూసెక్కులు, ఎస్‌ఎల్‌బీసీ ద్వారా 1800 క్యూసెక్కులు, ప్రధాన జలవిద్యుత్ కేంద్రం ద్వారా 32561 క్యూసెక్కుల నీటిని విడుదల చేస్తున్నారు. ఎడమ కాల్వ, వరద కాల్వల ద్వారా నీటి విడుదల లేదు.

నాగార్జునసాగర్ రిజర్వాయర్ నుంచి 58755 క్యూసెక్కుల అవుట్‌ఫ్లో కొనసాగుతుండగా అదే స్థాయిలో ఇన్‌ఫ్లో ఉంది. శ్రీశైలం జలాశయం పూర్తి స్థాయి నీటిమట్టం 885 అడుగులకు ప్రస్తుతం 882.10 అడుగులు (199.2737 టీఎంసీ లు) ఉంది. శ్రీశైలంకు 115087 క్యూసెక్కుల ఇన్‌ఫ్లో కొనసాగుతుంది.