సింగరేణి తుది ‘కీ’లో తప్పులు

సింగరేణి సంస్థలో మేనేజ్‌మెంట్‌ ట్రైనీ(మైనింగ్‌) పోస్టుల భర్తీకి నిర్వహించిన రాతపరీక్ష తుది ‘కీ’లో తప్పులున్నట్టు అభ్యర్థులు ఆరోపిస్తున్నారు.

• రెండింటి సమాధానాలు తప్పుగా ఇచ్చారంటున్న అభ్యర్థులు

హైదరాబాద్‌, సెప్టెంబర్‌ 23(నమస్తే తెలంగాణ): సింగరేణి సంస్థలో మేనేజ్‌మెంట్‌ ట్రైనీ(మైనింగ్‌) పోస్టుల భర్తీకి నిర్వహించిన రాతపరీక్ష తుది ‘కీ’లో తప్పులున్నట్టు అభ్యర్థులు ఆరోపిస్తున్నారు. రెండు ప్రశ్నలకు సమాధానాలు తప్పుగా ఉన్నట్టుగా పేర్కొంటున్నారు. ఈ తప్పులను సింగరేణి సంస్థ సీఎండీ దృష్టికి తీసుకెళ్లినా సవరించలేదని, తమకు అన్యా యం జరుగుతున్నదని ఆవేదన వ్యక్తంచేస్తున్నారు. 139 మేనేజ్‌మెంట్‌ ట్రైనీ పోస్టుల భర్తీకి మార్చి 1న నోటిఫికేషన్‌ జారీచేయగా, జూలై 21న ఆన్‌లైన్‌లో పరీక్ష నిర్వహించారు. సెప్టెంబర్‌ 7న ప్రాథమిక కీని విడుదల చేయగా, పలువురు అభ్యర్థులు ఆన్‌లైన్‌లో అభ్యంతరాలు వ్యక్తంచేశారు. ఆ తర్వాత ఫైనల్‌ కీని విడుదల చేశారు. ఈ పైనల్‌ కీపై అభ్యంతరాలు వ్యక్తంచే స్తూ ఈ నెల 10న అభ్యర్థులు సింగరేణి సీఎండీని కలిసి ఆధారాలు సైతం సమర్పించారు. తప్పులుంటే సవరిస్తామని సీఎండీ అభ్యర్థులకు చెప్పారు. కానీ సరిదిద్దికుండానే 17న ఫలితాలను ప్రకటించి, ప్రొవిజినల్‌ లిస్టును వెల్లడించారు. దీనిపై అభ్యర్థులు అధికారులను కలిసి గోడు వెల్లబోసుకోగా.. ‘తామేం చేయలేం. ఏదైనా ఉం టే కోర్టుకెళ్లి తేల్చుకోవాలి’ అని ఉచిత సలహానిచ్చినట్టు అభ్యర్థులు వాపోయారు.

అభ్యర్థుల అభ్యంతరాలివే..

• ప్రశ్న నెంబర్‌ 87 ఎంత సామర్థ్యం గల డంపర్లల్లో మైక్రో ప్రాసెసర్‌ బేస్డ్‌ కంట్రోల్‌ సిస్టంను తప్పనిసరిగా వాడతారు. అన్న ప్రశ్నకు తుదీ కీలో సరైన సమాధానంగా 25 టన్నులు అన్న ఆప్షన్‌ను ప్రకటించారు. కానీ ఇది తప్పు 85 టన్నులని అభ్యర్థులంటున్నారు. సమీర్‌కుమార్‌ దాస్‌ రచించిన సర్ఫేజ్‌ మైనింగ్‌ టెక్నాలజీ పుస్తకాల్లోనూ ఇదే ఉందంటున్నారు.
• ప్రశ్న నెంబర్‌ 103 సంతృప్తికరమైన ఆపరేషన్స్‌ కోసం పీక్‌ టూ పీక్‌ మెగావాట్‌ సైక్లిక్‌ స్వింగ్‌ డ్రాగ్‌లైన్‌ ఎంత దాటరాదు. అన్న ప్ర శ్నకు తుదీ కీలో 100శాతం అన్న ఆప్షన్‌ సరైన సమాధానంగా ప్రకటించారు. కానీ ఇది తప్పు అని 70శాతం సరైన సమాధానమని అభ్యర్థులంటున్నారు.