ఏరువాక పున్నమి.. నాగ‌లి ప‌ట్టిన మంత్రులు

ఏరువాక పున్నమి | తెలంగాణ వ్యాప్తంగా ఏరువాక పున్న‌మి వేడుక‌లు పండుగ‌లా కొన‌సాగాయి. రైతులంద‌రూ త‌మ ఎద్దుల‌ను అల‌క‌రించి, నాగలితో పొలాల‌కు వెళ్లారు.

హైద‌రాబాద్ : తెలంగాణ వ్యాప్తంగా ఏరువాక పున్న‌మి వేడుక‌లు పండుగ‌లా కొన‌సాగాయి. రైతులంద‌రూ త‌మ ఎద్దుల‌ను అల‌క‌రించి, నాగలితో పొలాల‌కు వెళ్లారు. తొల‌క‌రి ప‌లుక‌రించిన భూముల్లో రైతులు నాగ‌లితో దున్ని పంట‌ల వేసేందుకు శుభారంభం ప‌లికారు.

అయితే ఈ ఏరువాక పున్న‌మి వేడుక‌ల్లో వ్య‌వ‌సాయ శాఖ మంత్రి నిరంజ‌న్ రెడ్డి, విద్యుత్ శాఖ మంత్రి జ‌గ‌దీశ్ రెడ్డి పాల్గొన్నారు.

రంగారెడ్డి జిల్లా చేవెళ్ల మండ‌లం అల్ల‌వాడ‌లో మంత్రి నిరంజ‌న్ రెడ్డి ఎద్దుకు పూజ చేసి.. నాగ‌లితో పొలం దున్నారు. ఈ కార్య‌క్ర‌మంలో ఎమ్మెల్యేలు కాలె యాద‌య్య‌, ఆల వెంక‌టేశ్వ‌ర్ రెడ్డి పాల్గొన్నారు.

సూర్యాపేట జిల్లా పెన్‌ప‌హాడ్ మండ‌లం గాజుల మల్కాపురంలో ఏరువాక పున్న‌మి వేడుక‌ల‌ను ఘ‌నంగా నిర్వ‌హించారు. మంత్రి జ‌గ‌దీశ్ రెడ్డి రైతులతో కలిసి పాడికి , భూ తల్లికి, నాగలి, వ్యవసాయ పనిముట్ల‌కు పూజలు నిర్వ‌హించారు. ఈ కార్య‌క్ర‌మంలో ఎంపీ లింగ‌య్య యాద‌వ్, రైతుబంధు స‌మితి జిల్లా అధ్య‌క్షుడు రాజాక్, జ‌డ్పీటీసీ అనిత‌, ఎంపీపీ నెమ్మ‌ది భిక్షం, వ్య‌వ‌సాయ మార్కెట్ క‌మిటీ చైర్మ‌న్ ల‌లిత ఆనంద్‌తో పాటు ప‌లువురు పాల్గొన్నారు.

రైతులందరికి ఏరువాక పౌర్ణమి శుభాకాంక్షలు

నాగరికత ఎంతగా ముందుకు సాగినా.. నాగలి లేనిదే పని జరగదు. రైతు లేనిదే పూట గడవదు. అలాంటి వ్యవసాయానికి సంబంధించిన పండుగే ఏరువాక పౌర్ణమి. pic.twitter.com/FAauHvmrqw

— Jagadish Reddy G (@jagadishBRS) June 24, 2021