Arogya Bhadratha | పెండింగ్ బకాయిలపై నిర్ణయం తీసుకోని ప్రభుత్వం.. రేపటి నుంచి పోలీసు ఆరోగ్య భద్రత బంద్?
పోలీసు ఆరోగ్య భద్రత కింద లభించే వైద్య సేవలు సోమవారం నుంచి పూర్తిగా బంద్ కానున్నాయి. దవాఖానలకు చెల్లించాల్సిన పెండింగ్ బకాయిలపై రాష్ట్ర ప్రభుత్వం నేటికీ ఎలాంటి నిర్ణయం తీసుకోకపోవడంతో వైద్య సేవలు నిలిచిపోనున్నట్టు తెలుస్తున్నది.
- ఇప్పటికే సొంత ఖర్చులతో వైద్యం
- బకాయిలపై నిర్ణయం తీసుకోని ప్రభుత్వం
- 20 తర్వాత వైద్యం చేయబోమని చెప్పిన దవాఖానలు
- ఇబ్బందులు పడుతున్న పోలీసు కుటుంబాలు
Arogya Bhadratha | హైదరాబాద్, జనవరి 18 (నమస్తే తెలంగాణ): పోలీసు ఆరోగ్య భద్రత కింద లభించే వైద్య సేవలు సోమవారం నుంచి పూర్తిగా బంద్ కానున్నాయి. దవాఖానలకు చెల్లించాల్సిన పెండింగ్ బకాయిలపై రాష్ట్ర ప్రభుత్వం నేటికీ ఎలాంటి నిర్ణయం తీసుకోకపోవడంతో వైద్య సేవలు నిలిచిపోనున్నట్టు తెలుస్తున్నది. తమకు చెల్లించాల్సిన బకాయిలపై ప్రభుత్వం 20వ తేదీలోపు స్పష్టత ఇవ్వాలని తెలంగాణ స్పెషాలిటీ హాస్పిటల్స్ అసోసియేషన్ (టీఎస్హెచ్ఏ) జనవరి 6న ఆరోగ్య భద్రత కార్యదర్శికి లేఖ రాసింది.
కానీ, ఇప్పటి వరకూ ప్రభుత్వం నుంచి ఎలాంటి స్పందన లేదని పోలీసు ఆరోగ్య భద్రత విభాగం అధికారులు చెప్పారు. ఈ విషయమై ఆరోగ్య భద్రత కార్యదర్శిని ‘నమస్తే తెలంగాణ’ వివరణ కోరగా.. ‘ఏమైనా ఉంటే.. 20వ తారీఖు తర్వాత చెప్తాం.. అప్పుడే రాసుకోండి’ అని తేల్చి చెప్పారు.
ఇప్పటికే సొంత ఖర్చులతో వైద్యం..
- పోలీసు సిబ్బందికి, వారి కుటుంబాలకు ఎంతో కీలకమైన ఆరోగ్య సంరక్షణను కాంగ్రెస్ ప్రభుత్వం గాలికొదిలేసిందనే ఆరోపణలు వినిపిస్తున్నాయి. ప్రైవేట్ దవాఖానలకు బకాయిలు చెల్లించకపోవడంతో ఈ పథకం కింద రోగులను చేర్చుకోవడానికి అవి నిరాకరిస్తున్నాయి. ఈ దుర్భర పరిస్థితి పోలీసు సిబ్బందిని ఆర్థికంగా, మానసికంగా ఇబ్బందుల్లో పడేసింది.
- హెడ్ కానిస్టేబుల్గా పనిచేస్తున్న 47 ఏండ్ల అమరేశ్ (పేరు మార్చాం) హైదరాబాద్లోని ఒక ప్రైవేట్ దవాఖానలో అర్ధరాత్రి అత్యవసరంగా యాంజియోగ్రఫీ చేయించుకోవడానికి వెళ్లగా.. ఈ పథకం కింద వైద్యం చేయలేమని సిబ్బంది చెప్పారు. దీంతో అతను రూ.30 వేలు చెల్లించి వైద్యం చేయించుకోవాల్సి వచ్చింది.
- గత అక్టోబర్లో గుండెపోటుకు గురైన ఏఆర్ ఎస్సై జనార్దన్రావును ‘గోల్డెన్ అవర్’లో ఓ ప్రముఖ ఆస్పత్రికి తీసుకెళ్లగా.. వారు పోలీసు ఆరోగ్య భద్రత వంక చూపి వైద్యం చేయకుండా వెనక్కి పంపడంతో సమయం మించిపోయి ఆయన చనిపోవడం మరింత బాధించింది.
- ప్రస్తుతం ఏదైనా హెల్త్ ఎమర్జెన్సీతో ఏ దవాఖానకు వెళ్లినా ‘పోలీసు ఆరోగ్య భద్రతా?.. దానిపై వైద్యం చేయలేం’ అని సిబ్బంది ముఖం మీదే చెబుతుండటంతో ప్రాణాలు దక్కించుకునేందుకు సొంతంగా డబ్బులు పెట్టి వైద్యం చేయించుకుంటున్నారు. కొందరు అప్పు తెచ్చి తమ వారిని కాపాడుకుంటున్నారు.
ప్రతినెలా నగదు చెల్లిస్తున్నా..
ఉమ్మడి ఏపీలో 1999లో పోలీసు ఆరోగ్య భద్రతను తీసుకువచ్చారు. డైరెక్టర్ జనరల్ ఆఫ్ పోలీస్ (డీజీపీ) శాశ్వత ట్రస్టీగా, ఎక్స్-అఫీషియో చైర్మన్గా 11 మంది సభ్యులతో ఈ పథకాన్ని నిర్వహిస్తున్నారు. దీనికి ఐజీ (వెల్ఫేర్) స్థాయి అధికారి వైస్ చైర్మన్గా ఉన్నారు. దీని నిర్వహణ బాధ్యతలను కార్యదర్శి చూసుకుంటారు. అయితే, 2024 మే నుంచి రాష్ట్రవ్యాప్తంగా 202 దవాఖానలు ఈ పథకం కింద ఎంప్యానెల్ చేయబడ్డాయి.
ఈ పథకం కింద సభ్యులుగా నమోదైన కానిస్టేబుల్ నుంచి ఏఎస్ఐ వరకు రూ.1,600, ఎస్సై నుంచి పై ర్యాంకు అధికారుల వరకు రూ.3200 చొప్పున వారి బ్యాంకు ఖాతా నుంచి ప్రతినెలా కట్ చేస్తారు. ప్రతినెలా నగదు చెల్లిస్తున్నా.. తమవారికి ఆపద వచ్చినప్పుడు వైద్యం చేయించుకోలేకపోతున్నామనే వేదన పోలీసులను కలిచివేస్తున్నది. ప్రభుత్వం తక్షణం స్పందించి బకాయిలు విడుదల చేయాలని పోలీసు కుటుంబాలు వేడుకుంటున్నాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
VishwakSen | సంస్కారం వయసుతో పాటు పెరగాలి.. సీనియర్ జర్నలిస్ట్ వ్యాఖ్యలపై విశ్వక్ సేన్ ఫైర్!
Liver Detox | లివర్ను క్లీన్ చేస్తాయని చెప్పే చిట్కాలు, ఉత్పత్తులను నమ్మవచ్చా.. కాఫీ ప్రభావం లివర్పై ఉంటుందా..?
TTD EO | శ్రీరంగం శ్రీ రంగనాథస్వామివారికి టీటీడీ ఈవో పట్టువస్త్రాల సమర్పణ
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

