సీఎం సహాయనిధికి పలువురి విరాళం

సీఎం సహాయ నిధికి వరద విరాళాలు భారీగా వస్తున్నాయి. శని,ఆదివారాల్లో పలువురు ప్రముఖులు, పలు కంపెనీలకు చెందిన పెద్దలు సీఎం రేవంత్‌రెడ్డిని నేరుగా కలిసి విరాళాలు అందజేశారు. కాగా, వినాయకచవితి సందర్భంగా జూబ్లీహిల్స్‌ నివాసంలో సీఎం రేవంత్‌రెడ్డి దంపతులు, కుటుంబసభ్యులు, టీపీసీసీ నూతన అధ్యక్షుడు మహేశ్‌ కుమార్‌గౌడ్‌ దంపతులు వినాయకపూజలో పాల్గొన్నా రు.

హైదరాబాద్‌, సెప్టెంబర్‌ 8(నమస్తే తెలంగాణ): సీఎం సహాయ నిధికి వరద విరాళాలు భారీగా వస్తున్నాయి. శని,ఆదివారాల్లో పలువురు ప్రముఖులు, పలు కంపెనీలకు చెందిన పెద్దలు సీఎం రేవంత్‌రెడ్డిని నేరుగా కలిసి విరాళాలు అందజేశారు. కాగా, వినాయకచవితి సందర్భంగా జూబ్లీహిల్స్‌ నివాసంలో సీఎం రేవంత్‌రెడ్డి దంపతులు, కుటుంబసభ్యులు, టీపీసీసీ నూతన అధ్యక్షుడు మహేశ్‌ కుమార్‌గౌడ్‌ దంపతులు వినాయకపూజలో పాల్గొన్నా రు. అనంతరం వ్యవసాయ, రైతు సంక్షేమ కమిషన్‌ చైర్మన్‌ కోదండరెడ్డి, బీసీ కమిషన్‌ చైర్మన్‌ నిరంజన్‌, సభ్యులు జయప్రకాశ్‌, సురేందర్‌, బాలలక్ష్మి సీఎంను మర్యాదపూర్వకంగా కలిశారు.

విరాళాలు ఇచ్చిన వారిలో..

• ప్రముఖ వ్యాపారవేత్త రవి రహేజా – రూ.5 కోట్లు విరాళం అందజేత
• ప్రముఖ వ్యాపారవేత్త జీవీకే రెడ్డి – రూ. 5 కోట్లు
• కేఎన్‌ఆర్‌ కన్‌స్ట్రక్షన్‌ ఎండీ నర్సింహారెడ్డి, ఈడీ జలంధర్‌రెడ్డి – రూ.2కోట్లు
• వీఐటీ ఫౌండర్‌ అండ్‌ చాన్సలర్‌ డాక్టర్‌ జి.విశ్వనాథన్‌, వైస్‌ ప్రెసిడెంట్‌ శంకర్‌ విశ్వనాథన్‌ – రూ.1.50 కోట్లు
• క్రెడాయ్‌ ప్రతినిధులు – రూ.కోటి
• నాగార్జున కన్‌స్ట్రక్షన్‌ కంపెనీ ఎండీ రంగరాజు, డైరెక్టర్‌ సూర్య – రూ.కోటి