ఉపాధ్యాయ ఏకీకృత సర్వీస్రూల్స్ | పంచాయతీరాజ్ టీచర్లకు లోకల్ క్యాడర్ గుర్తింపు ప్రక్రియ పూర్తి

హైదరాబాద్, ఆగస్టు 29 (నమస్తే తెలంగాణ): సుదీర్ఘకాలంగా పెండింగ్లో ఉన్న ఉపాధ్యాయ ఏకీకృత సర్వీస్రూల్స్ అమలుకు ఉన్న అడ్డంకులన్నీ క్రమంగా తొలగిపోతున్నాయి. రాష్ట్రపతి ఉత్తర్వులను అనుసరించి పంచాయతీరాజ్ టీచర్లను లోకల్ క్యాడర్గా గుర్తించే ప్రక్రియ ఇటీవలే పూర్తయింది. ఇందుకు సంబంధించి రాష్ట్ర ప్రభుత్వం పలు జీవోలను జారీచేసింది. తెలంగాణలో 33 జిల్లాలు ఏర్పడినందున రాష్ట్రపతి ఉత్తర్వుల ప్రకారం జీవో 124ను రూపొందించారు. దీన్ని అనుసరించి అన్నిశాఖల ఉద్యోగులు, క్యాడర్ల పునర్వ్యవస్థీకరణలో భాగంగా శుక్ర, శనివారాల్లోనే విద్యాశాఖకు సంబంధించి రాష్ట్ర సర్కారు 4 జీవోలను జారీచేసింది. గతంలో ఎంఈవోలు, డైట్ లెక్చర్లర్లకు సంబంధించి జీవో -158ను జారీచేయగా.. తాజాగా ప్రభుత్వ, పీఆర్ టీచర్ల క్యాడర్ను ఖరారుచేస్తూ జీవో నంబర్లు 254, 255, 256ను జారీచేశారు. మండల ప్రజా పరిషత్తు, జిల్లా పరిషత్తు హెచ్ఎంలను సైతం ప్రభుత్వ పాఠశాలల్లోని హెచ్ఎంలతో సమానంగా మల్టీజోనల్ పోస్టుగా గుర్తిస్తూ శనివారమే జీవో 256ను సవరించి 257ను జారీచేసింది. దీంతో ఏకీకృత సర్వీస్రూల్స్ అమలుకు ఉన్న అడ్డంకులన్నీ తొలిగిపోయినట్టేనని ఉపాధ్యాయ సంఘాల నేతలు చెప్తున్నారు.
కీలక ముందడుగు
జిల్లా పరిషత్తు ఉపాధ్యాయులను లోకల్ క్యాడర్గా గుర్తించడం కీలక ముందడుగు. ఇందుకు సీఎం కేసీఆర్ ప్రత్యేక చొరవ తీసుకొన్నారు. మండల పరిషత్తు, జిల్లా పరిషత్తు పాఠశాలల్లోని గ్రేడ్ -2 హెచ్ఎం పోస్టులను వర్గీకరించకపోవడంతో కాస్త సందిగ్ధత నెలకొన్నది. దీనిపై పీఆర్టీయూ తరఫున సీఎస్కు విన్నవించిన వెంటనే.. ఆ జీవోను సైతం ప్రభుత్వం జారీచేసింది. ప్రతిష్ఠంభనకు తెరపడింది.
- పింగిళి శ్రీపాల్రెడ్డి, పీఆర్టీయూ రాష్ట్ర అధ్యక్షుడు
అడ్డంకులు తొలిగాయి
జిల్లా పరిషత్తు టీచర్లను లోకల్ క్యాడర్గా ప్రభుత్వ ఉద్యోగులుగా గుర్తించడం, లోకల్ క్యాడర్ రీఆర్గనైజేషన్ పూర్తికావడంతో ఏకీకృత సర్వీస్రూల్స్ అమలుకు ఉన్న అడ్డంకులన్నీ తొలిగిపోయాయి. ఆర్టికల్ 309 ప్రకారం రాష్ట్ర ప్రభుత్వం జిల్లా పరిషత్తు, ప్రభుత్వ ఉపాధ్యాయులను ఏకీకృతం చేయవచ్చు. ఆ దిశగా విద్యాశాఖ చర్యలు తీసుకోవాలి.
- వేణుగోపాల్, టీపీటీఎఫ్ నేత
Read Today's Latest Telangana News in Telugu and Telugu News
RELATED ARTICLES
తాజా వార్తలు
Health tips | లావుపొట్టను ఇట్టే తగ్గించే ఈ డ్రింక్ గురించి మీకు తెలుసా..?
Cancer | మధుమేహం ఉన్నవారికి 21 రకాల క్యాన్సర్ల ముప్పు.. అధ్యయనంలో వెల్లడి..
Bandla Ganesh | చెక్ బౌన్స్ కేసు.. నిర్మాత బండ్ల గణేష్కు ఏడాది జైలుశిక్ష.. రూ.95 లక్షల జరిమానా..!
Acidity | ఎసిడిటీ, అజీర్తి సమస్యలు తరచూ వస్తున్నాయా..? అయితే అందుకు కారణాలు ఇవే..!
Man Throws Sons Into Canal | ఇద్దరు కుమారులను కాలువలోకి విసిరేసిన తండ్రి.. అడ్డుకునేందుకు ప్రయత్నించిన వారిపై రాళ్ల దాడి
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

