Visit:
హైదరాబాద్, సెప్టెంబర్ 21 (నమస్తేతెలంగాణ):బీఆర్ఎస్ వర్కింగ్ ప్రెసిడెంట్ కేటీఆర్ మరోసారి తన గొప్ప మనసు చాటుకున్నారు. ఆర్థిక కష్టాలతో వైద్యవిద్యను కొనసాగించేందుకు ఇబ్బందులు పడుతున్న వరంగల్ జిల్లా వర్ధన్నపేటకు చెందిన కొండేటి అకీరాకు సోమవారం తెలంగాణ భవన్లో రూ.2లక్షల ఆర్థిక సాయం చేసి ఔదార్యం చాటారు. కొండేటి భాస్కర్-అనిత దంపతుల కుమార్తె అకీరా ఇటీవల నిర్వహించిన జాతీయ వైద్య ప్రవేశ పరీక్ష నీట్లో ఎస్సీ క్యాటగిరీలో 27,865 ర్యాంకు సాధించి, పటాన్చెరువులోని మహేశ్వర మెడికల్ కాలేజీలో ఎంబీబీఎస్లో చేరారు.
ఫీజు కట్టే ఆర్థిక స్థోమతలేకపోవడంతో తీవ్ర మనోవేదనకు లోనయ్యారు. అకీరా పరిస్థితిని జర్నలిస్ట్ బొల్లెపాక రాజేశ్ ఎక్స్ ద్వారా కేటీఆర్ దృష్టికి తీసుకెళ్లగా వెంటనే స్పందించి ఆర్థిక సహాయం అందజేశారు. తన బిడ్డ చదువుకు అండగా నిలిచిన కేటీఆర్కు అకీరా తల్లిదండ్రులు హృదయపూర్వక కృతజ్ఞతలు తెలిపారు.
