కేసీఆర్ సంకల్పమే.. పారిశ్రామిక విప్లవం!
రాష్ట్రాన్ని పారిశ్రామిక ప్రగతికి కేంద్రంగా మార్చాలన్న సమున్నత సంకల్పంతో కేసీఆర్ ప్రవేశపెట్టిన ‘టీఎస్-ఐపాస్' విధానం దేశంలోనే అత్యుత్తమమైనదని సాక్షాత్తు నీతిఆయోగ్ తాజా నివేదికలో ప్రశంసించడం యావత్ తెలంగాణకు గర్వకారణమని బీఆర్ఎస్ వర్కింగ్ ప్రెసిడెంట్, ఐటీ, పరిశ్రమలశాఖ మాజీ మంత్రి కేటీఆర్ పేర్కొన్నారు.
- టీఎస్ఐపాస్ దేశంలోనే అత్యుత్తమమైనదని.. నీతిఆయోగ్ ప్రశింసించడం గొప్ప విషయం
- రూ.2.6 లక్షల కోట్ల పెట్టుబడులు ఆకర్షించాం
- 25 లక్షల మంది యువతకు ఉపాధి అవకాశాలు కల్పించాం
- నీతి ఆయోగ్ నివేదికపై కేటీఆర్
హైదరాబాద్, జనవరి 16 (నమస్తే తెలంగాణ) : రాష్ట్రాన్ని పారిశ్రామిక ప్రగతికి కేంద్రంగా మార్చాలన్న సమున్నత సంకల్పంతో కేసీఆర్ ప్రవేశపెట్టిన ‘టీఎస్-ఐపాస్’ విధానం దేశంలోనే అత్యుత్తమమైనదని సాక్షాత్తు నీతిఆయోగ్ తాజా నివేదికలో ప్రశంసించడం యావత్ తెలంగాణకు గర్వకారణమని బీఆర్ఎస్ వర్కింగ్ ప్రెసిడెంట్, ఐటీ, పరిశ్రమలశాఖ మాజీ మంత్రి కేటీఆర్ పేర్కొన్నారు. నీతిఆయోగ్ ‘అచీవింగ్ ఎఫీషియన్సీస్ ఇన్ ఎంస్ఎంఈ సెక్టర్ త్రూ కన్వర్జెన్స్ ఆఫ్ స్కీమ్స్’ నివేదికలో టీఎస్-ఐపాస్, టీ-ప్రైడ్, టీ-ఫండ్ అంశాలను ప్రస్తావించడం పట్ల ఆయన తన సంతోషాన్ని వ్యక్తంచేశారు.
ఈ మేరకు శుక్రవారం ఒక ప్రకటన విడుదల చేశారు. కొట్లాడి సాధించుకున్న తెలంగాణను పదేండ్ల కాలంలోనే దేశానికే పారిశ్రామిక దిక్సూచిగా మార్చడంలో టీఎస్-ఐపాస్ పోషించిన పాత్ర అత్యంత కీలకమని, జాతీయ స్థాయిలో అందరికీ అనుసరణీయమని కేంద్ర సంస్థ పేరొనడం కేసీఆర్ దార్శనికతకు నిలువెత్తు నిదర్శనమని పేర్కొన్నారు. భారీ పరిశ్రమలకు తోడు, ఎంఎస్ఏంఈ విభాగంలో 2.6 లక్షల కోట్ల పెట్టుబడులను ఆకర్షించి, 25 లక్షల మందికిపైగా యువతకు గౌరవప్రదమైన ఉద్యోగ, ఉపాధి అవకాశాలను కల్పించడం దేశ చరిత్రలోనే ఓ సువర్ణ అధ్యాయమని కొనియాడారు.
పరిశ్రమల ఏర్పాటుకు ఉన్న సవాలక్ష ప్రతిబంధకాలను సమూలంగా, శాశ్వతంగా రూపుమాపి సింగిల్విండో ద్వారా సకల అనుమతులు అందించిన ఘనత బీఆర్ఎస్ ప్రభుత్వానికే దకిందని తెలిపారు. కేవలం 15 నుండి 30 రోజుల్లోనే అన్ని పర్మిషన్స్ ఇవ్వడంతోపాటు అవినీతికి, ఏమాత్రం తావులేని అత్యంత పారదర్శక పాలసీని రూపకల్పన చేయడమే కాకుండా.. అదే చిత్తశుద్ధితో దశాబ్దకాలంపాటు విజయవంతంగా అమలుచేయడం వల్లే ఈ ప్రతిష్టాత్మక ఫలితాలు, జాతీయస్థాయి గుర్తింపు సాధ్యమైందని వివరించారు.
ప్రపంచ దిగ్గజ సంస్థల నుంచి సూక్ష్మ, మధ్యతరహా పరిశ్రమల వరకు అందరూ తెలంగాణకు క్యూ కట్టేలా పెట్టుబడిదారుల్లో కొండంత విశ్వాసాన్ని కల్పించిన విప్లవాత్మక విధానాన్ని తీసుకొచ్చి పదేండ్లు దాటినా నేటికి టీఎస్-ఐపాస్ ప్రతిష్ట నలుదిశలా మారుమోగుతూనే ఉందని పేర్కొన్నారు. గతంలోనూ స్వతంత్ర భారత చరిత్రలోనే తొలిసారిగా కేసిఆర్ అమలుచేసిన రైతుబంధు, మిషన్ భగీరథ, మిషన్ కాకతీయ, టీ హబ్ వంటి వినూత్న కార్యక్రమాలకు తోడు తాజాగా పారిశ్రామిక ప్రగతికి కూడా తెలంగాణ మోడలే ఆచరణీయమని నీతిఆయోగ్ ప్రకటించిన నేపథ్యంలో ఇకనైనా కేసీఆర్ ఆనవాళ్లు చెరిపేస్తామనే భ్రమల్లో బతికే అరాచక శక్తులు బుద్ధి తెచ్చుకుంటే మంచిదని హితవు పలికారు.
Read Today's Latest Telangana News in Telugu and Telugu News
- Tags
- KTR
- Niti Aayog Report
- TS-iPASS
RELATED ARTICLES
తాజా వార్తలు
Brs Party | ఖైరతాబాద్లో బీఆర్ఎస్లో చేరిన కాంగ్రెస్ నేతలు.. వీడియో
Sun Group | అనిరుధ్, కావ్య మారన్ వివాహ వేడుక.. ఉద్యోగులకు బంగారం కానుకగా ఇచ్చిన సన్ గ్రూప్!
‘కృష్ణా జలాల అక్రమ తరలింపును తక్షణమే ఆపాలి’
KTR | కేటీఆర్ చేతుల మీదుగా ‘ఏఐ కెన్ రైట్ ద కోడ్’ పుస్తకావిష్కరణ.. యువ ఇంజినీర్లకు నూతన దిశానిర్దేశం!
Thalasani Srinivas Yadav | బీఆర్ఎస్ హయాంలోనే మత్స్యరంగం అభివృద్ధి : మాజీమంత్రి తలసాని శ్రీనివాస్ యాదవ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

