KTR | తేలిపోతున్న కుట్రలు.. దారికొస్తున్న కుట్రదారులు.. మొన్న ఈనాడు.. నేడు సురేఖ క్షమాపణలు
KTR | బీఆర్ఎస్ వర్కింగ్ ప్రెసిడెంట్ కేటీఆర్పై కుట్రలు దూదిపింజల్లా తేలిపోతున్నాయి. చీకటి శత్రువుల కుతంత్రాలు ఒక్కొక్కటిగా పటాపంచలవుతున్నాయి. అక్కసుతో ఆయనపై వేసిన అభాండాలన్నీ పచ్చి అబద్ధాలని రూఢీ అవుతున్నాయి.
KTR | హైదరాబాద్, అక్టోబర్ 29 (నమస్తే తెలంగాణ) : బీఆర్ఎస్ వర్కింగ్ ప్రెసిడెంట్ కేటీఆర్పై కుట్రలు దూదిపింజల్లా తేలిపోతున్నాయి. చీకటి శత్రువుల కుతంత్రాలు ఒక్కొక్కటిగా పటాపంచలవుతున్నాయి. అక్కసుతో ఆయనపై వేసిన అభాండాలన్నీ పచ్చి అబద్ధాలని రూఢీ అవుతున్నాయి. చేసిన ఆరోపణలన్నీ కట్టుకథలని, రాజకీయ ప్రేరేపితమేనని, అధికార పెద్దల ప్రాపకం కోసమేనని నిరూపితమవుతున్నాయి. వెరసీ కుట్రదారులు మెట్టు దిగుతున్నారు. ఒక్కరొక్కరూ దారికొస్తున్నారు. కొంత ఆలస్యంగానైనా మేలుకొని తమ తప్పులు తెలుసుకుంటున్నారు.
లెంపలేసుకొని పశ్చాత్తాపం వ్యక్తంచేస్తున్నారు. మొన్న పిచ్చి రాతలతో అడుగడుగునా తెలంగాణ వ్యతిరేకతను ప్రదర్శించే ‘ఈనాడు’ చేసిన తప్పును తెలుసుకొని లెంపలేసుకున్నది. నాడు అధికార దర్పంతో విర్రవీగుతూ ప్రభుత్వ నేత ప్రాపకం కోసం కేటీఆర్పై నోటికొచ్చినట్టు ఆరోపణలు చేసిన మాజీ మంత్రి, వరంగల్ తూర్పు ఎమ్మెల్యే కొండా సురేఖ పశ్చాత్తాపం వ్యక్తంచేస్తూ తాజాగా కేటీఆర్కు క్షమాపణలు చెప్పడం చర్చనీయాంశంగా మారింది.
సురేఖ విచారంపై రాజకీయ వర్గాల్లో చర్చ
బీఆర్ఎస్ వర్కింగ్ ప్రెసిడెంట్ కేటీఆర్కు మాజీ మంత్రి కొండా సురేఖ క్షమాపణలు చెప్పడంపై రాజకీయ వర్గాల్లో ఆసక్తికర చర్చ సాగుతున్నది. ఈ క్షమాపణ వ్యవహారం అనేక ప్రశ్నలను తెరపైకి తీసుకొస్తున్నది. ఇష్టారీతిన మాట్లాడిన మాటలతో జరిగిన నష్టాన్ని మరో మాటతో సరిచేయగలుతారా? నాడు నోటికొచ్చినట్టు దూషించి ఒక్క చిన్న ట్వీట్తో సారీ చెప్తే సరిపోతుందా? వారి భార్యాపిల్లలు పడ్డ బాధ తీరి పోతుందా? రాజకీయ సంచలనాల కోసం.. పెద్దవారిని సంతృప్తి పరిచేందుకు వ్యక్తిగత దూషణలకు దిగడం ఎంతవరకు సమంజసం?
అనే చర్చ సాగుతున్నది. తప్పు తెలుసుకోవడం, లెంపలేసుకోవడం వెనుక ఏదో మతలబు ఉంటుందని రాజకీయ పండితులు విశ్లేషిస్తున్నారు. అయితే మరికొందరు మా త్రం ఇందుకు భిన్నమైన వాదనలు వినిపిస్తున్నారు. క్షమాపణలు చెప్పడం ద్వారా బాధితులకు ఉపశమనం కలిగే అవకాశం ఉంటుందని, ఆలస్యంగానైనా మేల్కొని తప్పు ఒప్పుకోవడం మంచి పరిణామమేనని విశ్లేషిస్తున్నారు. ఈ వ్యవహారం ఆహ్వానించదగిందేనని పేర్కొంటున్నారు. రాజకీయ ప్రముఖులు భవిష్యత్తులో ఇలాంటి తప్పులు చేయకుండా మసులుకోవాలని సూచిస్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

