Konda Surekha | నాగార్జున పరువు నష్టం కేసు.. కొండా సురేఖ విచారణకు రావాలన్న కోర్టు

సినీనటుడు నాగార్జున దాఖలు చేసిన పరువు నష్టం కేసులో మంత్రి కొండా సురేఖ వ్యక్తిగతంగా హాజరు కావాలని నాంపల్లి ప్రజాప్రతినిధుల కోర్టు స్పష్టంచేసింది. కేసులో త్వరితగతిన విచారణ చేపట్టేందుకు తాము అంగీకరించినందున ఈ నెల 26న కొండా సురేఖ హాజరుకావాలని ఆదేశించింది.

Konda Surekha | నాంపల్లి క్రిమినల్‌ కోర్టులు, డిసెంబర్‌ 19 (నమస్తే తెలంగాణ): సినీనటుడు నాగార్జున దాఖలు చేసిన పరువు నష్టం కేసులో మంత్రి కొండా సురేఖ వ్యక్తిగతంగా హాజరు కావాలని నాంపల్లి ప్రజాప్రతినిధుల కోర్టు స్పష్టంచేసింది. కేసులో త్వరితగతిన విచారణ చేపట్టేందుకు తాము అంగీకరించినందున ఈ నెల 26న కొండా సురేఖ హాజరుకావాలని ఆదేశించింది. ఈ మేరకు నాగార్జున దాఖలు చేసిన పరువునష్టం కేసులో సమన్లు జారీ చేసిన కోర్టు గురువారం చేప ట్టిన విచారణకు మంత్రి సురేఖ హాజరుకాలేదు. ప్రభుత్వ కార్యకలాపాల వల్ల సురేఖ హాజరుకాలేదని ఆమె తరఫు న్యాయవాది కోర్టుకు తెలిపారు. అనంతరం విచారణను ఈ నెల 26కు కోర్టు వాయిదా వేసింది.