Konda Surekha | వరంగల్ సూపర్ స్పెషాలిటీ హాస్పిటల్ పర్యవేక్షణకు మాజీ మంత్రి కొండా సురేఖ దూరం

వరంగల్ సూపర్ స్పెషాలిటీ హాస్పిట‌ల్‌ పనుల పర్యవేక్షణ కు మాజీ మంత్రి కొండా సురేఖ దూరంగా ఉన్నారు.

వరంగల్ : వరంగల్ సూపర్ స్పెషాలిటీ హాస్పిట‌ల్‌ పనుల పర్యవేక్షణ కు మాజీ మంత్రి కొండా సురేఖ దూరంగా ఉన్నారు. ఉమ్మడి వరంగల్ జిల్లా ఇంచార్జ్ మంత్రి పొంగులేటి శ్రీనివాసరెడ్డి, మంత్రి సీతక్క, ఎంపీ వేం నరేందర్ రెడ్డి, ఎమ్మెల్యేలు నాయిని రాజేందర్ రెడ్డి, కేఆర్ నాగరాజు సహా వైద్య ఆరోగ్యశాఖ ఉన్నతాధికారులు, జిల్లా కలెక్టర్లు హాజరైన ఈ కార్యక్రమంలో కొండా సురేఖ దూరంగా ఉండటం చర్చనీయాంశంగా మారింది.

కేసీఆర్ హయాంలో దాదాపు పూర్తి అయిన ఈ ద‌వాఖాన‌ ఈనెల 20వ తేదీన ప్రారంభించేందుకు సన్నాహాలు సాగుతున్న ఈ క్రమంలో స్థానిక ఎమ్మెల్యే పాల్గొనక పోవటంపై అనుమానాలు వ్యక్తం అవుతున్నాయి. అయితే హాస్పిట‌ల్‌ మొత్తం ప్రారంభిస్తారా లేక ఎంజిఎం హాస్పిటల్ నుంచి కేవలం ఓపి సేవలనే ఇక్కడ మొదలు పెడతారా అనేది స్పష్టత రావాల్సి ఉంది.