Karimnagar Simha Garjana | చారిత్రాత్మక కరీంనగర్‌ సింహ గర్జనకు 24 ఏండ్లు

KCR Simha Garjana | చారిత్రాత్మ‌క క‌రీంన‌గ‌ర్ సింహ గ‌ర్జ‌న‌కు నేటికి 24 ఏండ్లు అవుతుంది. నాటి సింహ గర్జన నుండి.. నేటి రజతోత్సవ సభ వరకు టీఆర్ఎస్, బీఆర్ఎస్‌ది అదే జోష్. కనుచూపు మేర అంతా అంధకారమే.. ఎటుచూసినా ప్రతికూలతలే!

Karimnagar Simha Garjana | చారిత్రాత్మ‌క క‌రీంన‌గ‌ర్ సింహ గ‌ర్జ‌న‌కు నేటికి 24 ఏండ్లు అవుతుంది. నాటి సింహ గర్జన నుండి.. నేటి రజతోత్సవ సభ వరకు టీఆర్ఎస్, బీఆర్ఎస్‌ది అదే జోష్. కనుచూపు మేర అంతా అంధకారమే.. ఎటుచూసినా ప్రతికూలతలే! గత కాలపు గాయాలు వెన్నాడే వైఫల్యాలు.. ఆవెంటే అపనమ్మకాలు.. మెజారిటీ ఆధిపత్య వాదాలు.. వేళ్లూనుకున్న ‘జాతి’ సిద్ధాంతాలు.. సొంత గడ్డమీదే బానిస బాధిత బతుకు బతుకుతున్న పౌరులు. ఇది కేసీఆర్‌ తెలంగాణ జెండా ఎత్తినప్పటి పరిస్థితి.

సరిగ్గా ఇదే రోజు 24 సంవత్సరాల క్రితం మే 17, 2001న.. ధన బలం లేదు. రాజకీయ బలగం పెద్దగా లేదు. అయినా ఒక మనిషిని నమ్మి సభా స్థలికి పోటెత్తిన జనం. తనను కన్నభూమి తెలంగాణ ఎందుకిలా గోస పడుతున్నదన్న ఆవేదన, మాతృభూమిపై గుండెల నిండా పొంగే తెలంగాణ ప్రేమ, రాష్ర్టాన్ని సాధించాలన్న నిండైన పట్టుదల, ప్రజలు అండగా ఉంటారన్న భరోసా.. ఈ నాలుగే ఉద్యమ నాయకుడు కేసీఆర్‌ను నడిపించిన నాలుగు రథ చక్రాలు!

కరీంనగర్‌ సింహగర్జన సభలో కేసీఆర్‌ అన్న మాటలు. ఇవన్నీ నూటికి నూరుశాతం ఎలా నిజమయ్యాయో, లేవనెత్తిన సమస్యలకు ఆయన ఎలా పరిష్కారాలు చూపించారో ఇప్పుడ మన కండ్ల ముందు ఉన్నది.

• ఉద్యమ బాట వీడితే రాళ్లతో కొట్టండి.
• తెలంగాణ కోసం ప్రాణత్యాగానికైనా సిద్ధం.
• ఢిల్లీ దిగి వస్తుంది- తెలంగాణ ఇస్తుంది.
• శాంతియుతంగా, ప్రజాస్వామ్య పద్ధతిలో ప్రత్యేక రాష్ట్రం సాధించి తీరుతం.
• పదవుల కోసం ఉద్యమం చేయడం లేదు- ప్రత్యేక రాష్ట్రం కోసం చేస్తున్నం.
• కాంగ్రెస్‌, బీజేపీ ఢిల్లీ దర్బార్‌కు మోకరిల్లే పార్టీలు.
• తెలంగాణ ఏర్పాటుకు అసెంబ్లీ ఆమోదం అవసరమే లేదు.
• 610 జీవో అమలుపై ఎందుకు మోసం చేశారు?
• తెలంగాణ ప్రజలకు ఇంకుడు గుంతలు, ఇతర ప్రాంతాల వారికి నదులు, కాల్వలా?
• రాష్ట్రంలో ఏ మార్కెట్‌ యార్డులోనైనా ధాన్యానికి కనీస మద్దతు ధర లభిస్తున్నదా?
• వ్యవసాయానికి ఉచిత విద్యుత్తు సాధ్యమే, సంస్కరణల ముసుగులో తెలంగాణకు అన్యాయం చేస్తున్నారు.
• తెలంగాణ రైతుల సమస్యల పరిష్కారంపై ఏనాడు చొరవ చూపలేదు.
• ఆవేశం కాదు; తెలంగాణ ప్రజలకు ఆలోచన అవసరం.
• తెలంగాణ రక్తంలో వాడి వేడి ఉన్నాయే తప్ప వెన్నుపోటు లేదు