ఎస్సై భార్య ఆత్మహత్య.. గన్నేరుపూలు మిక్సీ చేసుకొని తాగి సూసైడ్‌.. కరీంనగర్‌లో విషాదం

ఎస్సై భార్య ఆత్మహత్య చేసుకున్న ఘటన కరీంనగర్‌లో చోటుచేసుకున్నది. వన్‌టౌన్‌ సీఐ రామచంద్రరావు తెలిపిన వివరాలు.. కరీంనగర్‌ జిల్లా ఇల్లందకుంట మండలం సీతంపేటకు చెందిన దివ్య(30)కు 2016లో దేసు చంద్రశేఖర్‌తో వివాహమైంది.

కరీంనగర్‌ విద్యానగర్‌, మార్చి 18: ఎస్సై భార్య ఆత్మహత్య చేసుకున్న ఘటన కరీంనగర్‌లో చోటుచేసుకున్నది. వన్‌టౌన్‌ సీఐ రామచంద్రరావు తెలిపిన వివరాలు.. కరీంనగర్‌ జిల్లా ఇల్లందకుంట మండలం సీతంపేటకు చెందిన దివ్య(30)కు 2016లో దేసు చంద్రశేఖర్‌తో వివాహమైంది. ప్రస్తుతం వీరు కరీంనగర్‌లోని హనుమాన్‌నగర్‌లో ఉంటుండగా.. చంద్రశేఖర్‌ టూటౌన్‌లో ఎస్సైగా పనిచేస్తున్నాడు. వీరికి ఇద్దరు కొడుకులు.

చంద్రశేఖర్‌ రోజుమాదిరిగా మంగళవారం ఇద్దరు పిల్లలను పాఠశాలలో వదిలి డ్యూటీకి వెళ్లాడు. కాగా దివ్య కొద్దిరోజులుగా కడుపునొప్పితో బాధపడుతున్నది. ఈ క్రమంలో మంగళవారం ఉదయం ఆమె గన్నేరుపూలు, ఆకులు మిక్సీ చేసుకొని తాగింది. విషయాన్ని తల్లిదండ్రులకు ఫోన్‌చేసి చెప్పింది. సమాచారం తెలిసిన భర్త దివ్యను హైదరాబాద్‌లోని హాస్పిటల్‌కు తీసుకెళ్లగా చికిత్స పొందుతూ మృతి చెందింది. దివ్య తండ్రి సమ్మయ్య ఫిర్యాదు మేరకు కేసు దర్యాప్తు చేస్తున్నట్టు సీఐ తెలిపారు.